دادگای فیدڕاڵی بەشێوەیەکی کاتیی کارکردنی بە سێ یاسا ڕاگرت؛ یەکێکیان پەیوەستە بە کورد

ئاڤا نیوز

 

دادگای فیدڕاڵی عێراق بەشێوەیەکی کاتیی کارکردنی بە هەرسێ یاسای گەڕانەوەی زەوییە کشتوکاڵییەکان بۆ خاوەنە ڕەسەنەکانیان لە کەرکووک، باری کەسێتی و لێبوردنی گشتی ڕاگرت، تا ئەو کاتەی ئەو سکاڵایانەی لەبارەیانەوە تۆمارکراون لەلایەن دادگاکەوە یەکلایی دەکرێنەوە.

 

وێنە گەورەکە: 21 مانگی ڕابردوو ئەنجوومەنی نوێنەرانی عێراق لە کۆبوونەوەیەکی مشتومڕئامێزدا ئەو سێ یاسایەی بەیەکجار خستە دەنگدانەوە و تێپەڕێنران؛ دواتر 11 پەرلەمانتار لەسەر ئەم ڕێکارە و هەندێک بڕگەی یاسای لێبوردنی گشتیی سکاڵایان لە دادگای فیدڕاڵی تۆمارکرد و داوای فەرمانێکی سالاریی (ڕاگرتنی کارکردن بە یاساکان بەشێوەیەکی کاتی)ـی کرد.

 

ڕاگەیێنراوی فەرمی: لەسەر پێنج سکاڵای پەرلەمانتاران و داواکارییان بۆ دەرکردنی فەرمانێکی سالاریی بۆ ڕاگرتنی کارکردن بە هەرسێ یاساکە، ئەمڕۆ دادگای فیدڕاڵی فەرمانێکی 'سالاری' بۆ ڕاگرتنی کارکردن بەهەرسێ یاساکە دەرکرد تا ئەو کاتەی سکاڵاکان لەسەر یاساکان یەکلایی دەکرێنەوە، ئەوەش ڕێکارێکی کاتییە تا بزانێت یاساکان دەچنە دەستوورین و سکاڵاکانیش تا چەند لەگەڵ دەستوور دەگونجێن.

 

کاردانەوەکان: دژ بە فەرمانە سالارییەکەی دادگای فیدڕاڵی بۆ ڕاگرتنی کارکردن بە یاسای لێبوردنی گشتی، محەممەد حەلبوسی، سەرۆکی حیزبی تەقەدوم داوای خۆپیشاندانی فراوانی کرد و دەڵێت، دادگای فیدڕاڵی نادەستورییە و بە سیاسی کراوە، ڕێزیش لە ڕێککەوتنی نێوان پێکهاتەکان ناگرێت.