ئەمڕۆ سێ توێژ مووچەی مانگی یەک وەردەگرن

ئاڤا نیوز

شەوی ڕابردوو وەزارەتی دارایی هەرێمی کوردستان، لیستی مووچەی مانگی یەکی بڵاوکردەوە و بەپێی خشتەکە، ئەمڕۆ دەست بە دابەشکردنی دەکرێت و لەماوەی پێنج  ڕۆژدا مووچەی سەرجەم وەزارەت و دەستەکان دابەش دەکرێت.

وێنە گەورەکە: ڕۆژی سێشەممە وەزارەتی دارایی هەرێمی کوردستان ڕایگەیاند، بەغدا بڕی 958 ملیار و 12 ملیۆن و 332 هەزار و 759 دیناری وەک مووچەی مانگی یەکی 2025ـی فەرمانبەران و مووچەخۆرانی هەرێمی کوردستان، خستووەتەسەر هەژماری وەزارەت لە لقی هەولێری بانکی ناوەندیی عێراق.

زانیاریی بەدەستهاتوو: بەگوێرەی لیستەکەی وەزارەتی دارایی و ئابووری هەرێمی کوردستان، ئەمڕۆ خانەنشینانی شارستانی، خاوەن پێداویستی تایبەت و زیندانیە سیاسییەکان مووچە وەردەگرن .

لەلایەکی دیکەوە: حکومەتی عێراق مانگی ڕابردوو داوای لە هەرێمی کوردستان کرد تەمەنی خانەنشینی هاوتا بکەن، بەمەش ئەم مانگە 25 هەزار و 500 کەس خانەنشین کران، وەزارەتی دارایی عێراق زیاتر لە 40 ملیار دیناری ئەو خانەنشینانەی بۆ ئەم مانگە نەناردووە .