زیاتر لە 70 هونەرمەند لە هەرێمی کوردستان خانەنشین دەکرێن

 

ئاڤا نیوز

بڕیاری خانەنشینکردنی فەرمانبەران لە تەمەنی 60 ساڵی و هاوتاکردنی لەگەڵ خانەنشینی بەغدا، هونەرمەندانیشی گرتۆتەوە.

 

 

چیرۆکی سەرەکی: بەپێی بڕیاری خانەنشینی یەکگرتوو ژمارەیەک هونەرمەندی پارێزگاکانی هەرێمی کوردستان خانەنشین دەبن لە کەرتی پەروەردە و ڕۆشنبیری، کە ژمارەیان دەگاتە 78 هونەرمەند.

لێدوانی فەرمی: نیاز نوری، نەقیبی سەندیکای هونەرمەندانی کوردستان، بە ئاڤا نیوزی ڕاگەیاند: ژمارەی خانەنشینانی هونەرمەندان بە پێی بڕیاری خانەنشینی یەکگرتوو، 78 هونەرمەند دەبێت، دابەشدەبێت بەسەر پارێزگاکانی هەولێر و دهۆک و سلێمانی و هەڵەبجە، بەشێکیان لە کەرتی پەروەردەن و بەشێکی دیکەیان لە کەرتی ڕۆشنبیرین، بەم شێویەیە:

- لە سلێمانی 18 هونەرمەند لە کەرتی ڕۆشنبیری و 10 هونەرمەند لە کەرتی پەروەردە خانەنشین دەبن.

- لە هەڵەبجە تەنیا لە کەرتی پەروەردە سێ هونەرمەند خانەنشین دەبن.

- لە هەولێر 13هونەرمەند لە کەرتی ڕۆشنبیری و 23 هونەرمەند لە کەرتی پەروەردە خانەنشین دەبن.

- لە دهۆکیش سێ هونەرمەند لە کەرتی ڕۆشنبیری و هەشتیان لە کەرتی پەروەردە خانەنشین دەکرێن.

ئەوەی پێویستە بیزانیت: بەپێی بڕیاری خانەنشینی یەکگرتوو زیاتر لە 25 هەزار فەرمانبەر و مامۆستای خانەشین دەبن لە سەرجەم دام و دەزگاکانی هەرێمی کوردستان.