ئاری هەرسین: لە نزیکترین کاتدا کابینەی 10 پێکدەهێنرێت

ئاڤا نیوز

پێشبینی دەکرێت کابینەی 10ـی حکومەتی هەرێمی کوردستان لە نزیکترین کات پێکبهێنرێت، بەپرسێکی پارتی لە سلێمانی دەڵێت 'ڕێککەوتنی سەرەتاییمان تێپەڕاندووە'.

وێنە گەورەکە: دوێنێ سێشەممە، لیژنەی هاوبەشی دانووستاندکاری پارتی و یەکێتی دوایین کۆبوونەوەیان لەبارەی پێکهێنانی کابینەی نوێی حکومەت کرد، دواتر ڕایانگەیاند کە لێکتێگه‌يشتنى هاوبه‌ش و ڕێككه‌وتنى سه‌ره‌تايیان له‌سه‌ر زۆربه‌ى ته‌وه‌ره‌كان کردووە.

لێدوانی فەرمی: ئاری هەرسین، بەپرسی لقی 4ـی پارتی دیموکراتی کوردستان لە سلێمانی، لەمیانی بەشداریکردنی لە هەواڵەکانی کاتژمێر 09:00ـی ئاڤا ڕایگەیاند:

- لێکتێگەیشتنی باش لەنێوان ئێمە و یەکێتی هەیە و ڕێککەوتنی سەرەتاییمان تێپەڕاندووە، هیوایەکی زۆر هەیە کە کابینەی 10 لە زووترین کات پێکبهێنرێت.

- دەبێت لەبەر بەرژەوەندی خەڵکی کوردستان ئەم پەرتەوازەیەی هەیە تێیپەڕینین، ئەو متمانەیەی ئێستا هەیە دەبێت بیکەینە بناغەیەکی باش بۆ حکومڕانییەکی باش لە هەرێمی کوردستان.