پێنتاگۆن پلانی کشانەوەی هێزەکانی ئەمریکا لە سووریا ئامادە دەکات

ئاڤا نیوز

وەزارەتی بەرگریی ئەمریکا، پینتاگۆن پلانی کشانەوەی هێزەکانی ئەمریکا لە سووریا ئامادە دەکات.

وێنە گەورەکە: ترەمپ و بەرپرسانی نزیکی، ئارەزوویان دەربڕیوە بۆ کشانەوەی هەموو هێزەکانی ئەمەریکا لە سووریا و ئەمەش وای لە پێنتاگۆن کردووە پلانی کشانەوەی تەواوی هێزەکانی ئەمریکا لە ماوەی 30 بۆ 90 ڕۆژدا دابڕێژێت.

لێدوانی فەرمی: پێنجشەممەی ڕابردوو، پەیامنێرێک لە کۆنگرەیێکی ڕۆژنامەنووسیدا پرسیاری لە دۆناڵد ترەمپ کرد سەبارەت بە کشانەوەی هێزەکانیان لە سووریا لە وەڵامدا ترەمپ ڕایگەیاند:

- نازانم کێ وای گوتووە، بەڵام بڕیار لەسەر ئەو بابەتە دەدەین.

- ئێمە بەشداری ئاڵۆزی سووریا ناکەین." لە سووریا ئاژاوە هەیە. ئەوان لەوێ ئاژاوەی تەواویان هەیە، بۆیە پێویستیان بەبەشداری ئێمە نییە" واتە هێزەکانی ئەمریکا".

زانیاری زیاتر: شارەزایانی سیاسی هۆشداری دەدەن لەوەی کشانەوەی هێزەکانی ئەمەریکا لە سووریا، هەڕەشە لە ئاسایشی زیاتر لە 24 بەندینخانە و کەمپی پەنابەران دەکات کە زیاتر لە 50 هەزار کەسی تێدا نیشتەجێ دەبێت کە نزیکەی 9000 چەکداری داعشیان تێدایە.

لە لایەکی دیکەوە: بە پێی ڕاپۆرتی کەناڵی ئێن بی سی ئەمریکی : هێزەکانی سووریای دیموکرات ئەو شوێنانە دەپارێزن کە پیاو و ژن و منداڵی تێدایە، بەڵام ئەوان بە پشتیوانی ئەمریکا و هاوپەیمانان ئەم کارە دەکەن،  بە کشانەوەی هێزەکانی ئەمریکا بارودۆخەکە قورس و ئاڵۆز دەبێت.

باکگراوند: لە کۆتایی ساڵی 2019، ترەمپ فەرمانی بە وەزیری بەرگریی جەیمس ماتیس کرد هەموو هێزەکانی ئەمەریکا لە سووریا بکشێنێتەوە. ماتیس دژی پلانەکە بوو و لە کۆتاییدا وەک ناڕەزایی دەستی لەکار کێشایەوە.