قوتابیانی گوندی ئیمنکی لەبەر نەبوونی قوتابخانە واز لە خوێندن دەهێنن

ئاڤا نیوز

 

لەبەر نەبوونی قوتابخانەی ئامادەیی لە گوندی ئیمنکی لە سنووری پارێزگای دهۆک قوتابیان قوتابخانە جێدەهێڵن و توانای مادی خێزانەکانیشیان ئەوەندە باش نییە بۆ خوێندن بچنە دهۆک.

 

وێنە گەورەکە: لە گوندی ئیمنکی نزیکەی هەزار ماڵ هەیە، تەنیا یەک قوتابخانەی سەرەتایی لێیە  و ئامادەیی لێنییە؛ بۆ ئەوەی لە خوێندن دانەبڕێن دەبێت بچنە شاری دهۆک بۆ خوێندن، بەڵام لێرەدا کێشەکەیان هەیە، ئەوەیش باری دارایی خێزانەکانیانە کە ناتوانن کرێی هاتووچۆیان بۆ بدەن، ئەمەش وایکردووە بەشێک لە قوتابیان واز لە خوێندن بهێنن و قوتابخانە جێبهێڵن.

 

ژمارەکان وادەڵێن: ڕۆژانە نزیکەی 300 قوتابی لە ڕێگەی پاس و تەکسی لە گوندەکەوە دەچنە دهۆک بۆ ئەوەی لەوێ بخوێنن، بەڵام دەیان قوتابی دیکە باری دارایی ماڵەوەیان ڕێگرە لەوەی هاوشانی هاوڕێکانیان بچنە دهۆک بخوێنن.

 

ئەمەش بزانە: ماوەی دوو ساڵە بەردی بناغەی قوتابخانەیەکی هەژدە پۆلی دانراوە بەڵام تائێستاش تەواو نەبووە.