پەیامی وڵاتانی ڕۆژئاوا لەبارەی هەڵبژاردنی کوردستان: پرۆسەیەکی گرنگە و پشتیوانین

ئاڤا نیوز

یونامی و کونسوڵخانەی وڵاتان لە هەرێمی کوردستان بە جیا پەیام لەبارەی دیاریکردنی وادەی هەڵبژاردنی پەرلەمانی کوردستان بڵاودەکەنەوە و پێشوازی و پشتیوانی لێدەکەن.

کونسوڵخانەی ئەمەریكا: پشتگیری لە هەڵبژاردنی ئازاد و دادپەروەرانە دەکەین، کە بۆ دیموکراسییەکی تەندروست و ئایندەی هەرێمی کوردستانی عێراق زۆر گرنگە.

کونسوڵخانەی بەریتانیا: ئەم هەڵبژاردنە زۆر گرنگە بۆ دەربڕینی دەنگی خەڵکی هەرێمی کوردستان و داهاتووی ناوچەکە.

كونسوڵخانەی ئیتاڵیا: هانی هەموو لایەنەکان دەدەین  هەڵبژاردنێکی ڕێکوپێک و ئازاد و دادپەروەرانەدا بەڕێوەببەن.

کونسوڵخانەی فەرەنسا: ڕێکخستنی هەڵبژاردنێکی ئازادانە لە بەرژەوەندی هەموواندایە.

کونسوڵخانەی هۆڵەندا: هەڵبژاردنی ئازاد و دادپەروەرانە بۆ دیموکراسی، وەکو ئۆکسجین وایە بۆ ئاگر.

کڵاودیۆ کۆردۆن، جێگری نێردەی نەتەوەیەکگرتووەکان لە عێراق (یونامی): هیوادارین هیچ بەربەستێك نەیەتە پێش و نەتەوەیەكگرتووەكان بەردەوام دەبێت لە پێشکەشکردنی پشتگیریی خۆی بۆ پرۆسەکە.

باکگراوند: ئەمڕۆ یەکشەممە نێچیرڤان بارزانی، سەرۆکی هەرێمی کوردستان ڕۆژی 10-06-2024ی وەک وادەی بەڕێوەچوونی خولی شەشەمی هەڵبژاردنی پەرلەمانی کوردستان دیاری کرد.