پلەی زیاتر لە هەشت هەزار پێشمەرگە و پلەدار بەرز دەكرێتەوە

ئاڤا نیوز

وەزارەتی پێشمەرگەی حكومەتی هەرێمی كوردستان ئاشكرای دەكات كە پلەی 8168 پێشمەرگە و پلەداری پێشمەرگە لە خشتەی ئەیلوولی ساڵی 2024 بەرز كراوەتەوە.

وێنە گەورەكە: وەزارەتی پێشمەرگە ساڵانە دوو خشتەی بەرزكردنەوەی پلەی پێشمەرگە و پلەدارانی پێشمەرگە هەیە ئەوانیش خشتەكانی نەورۆز و ئەیلوولن، لەگەڵ بەرزكردنەوەی هەر پلەیەكی سەربازی بڕێك مووچە كە بە سیستەم دیاریكراوە بۆ ئەو كەسانە زیاد دەبێت.

ڕاگەیێنراوی فەرمی: وەزارەتی پێشمەرگە ڕایگەیاند: بەپێی فەرمانی وەزاری ژمارە 2307 لە ڕێكەوتی 2025-02-06، بە واژۆی شۆڕش ئیسماعیل، وەزیری پێشمەرگەی حکومەتی هەرێمی کوردستان پلەی 8168 پێشمەرگە و پلەداری وەزارەتی پێشمەرگە لە خشتەی ئەیلولی ساڵی2024، بەرزکرایەوە.

لێدوانی فەرمی: سەبارەت بە بەرزكردنەوەی پلەی ئەو ژمارەیە پێشمەرگەیە، شۆڕش ئیسماعیل، وەزیری پێشمەرگە وێڕای پیرۆزبایی ڕایگەیاند: لە سەرەتای دەستبەکاربوونمان لە وەزارەتی پێشمەرگە بە پشتیوانی سەرۆکایەتیی حکومەتی هەرێمی کوردستان توانیومانە پلەبەرزکردنەوەی پێشمەرگە و پلەدارانی وەزارەتی پێشمەرگە بخەینە سەر ڕێچکەی ئاسایی و یاسایی خۆی، لە پاڵ ئەوەشدا دابینکردنی مافەکانی پێشمەرگە و باشترکردنی ژیان و گوزەرانیان، لە ئەولەوییەتی کاری وەزارەتی پێشمەرگە و پرۆسەی چاکسازییە.