قۆناغی دووەمی تاپۆکردنی خانووە زێدەڕۆکانی دهۆک دەست پێدەکات

ئاڤا نیوز

دوای تەواوکردنی قۆناغی یەکەم و تاپۆکردنی سەدان خانووی زێدەڕۆ، قۆناغی دووەمی تاپۆکردنی خانووە زێدەڕۆکان لە دهۆک دەستیپێکرد و  بڕیارە  بەشێکی دیکەیان تاپۆ بکرێن.

 

وێنە گەورەکە: لە پارێزگای دهۆک نزیکەی 10 هەزار خانوو بە بەزێدەڕۆیی دروستکراون، حکومەت ساڵی 2021 بڕیاری دا ئەو خانووانە تاپۆ بکرێن، سێ ساڵ دانرا بۆ پرۆسەکە، لەو ماوەیەدا بەشێکیان تاپۆ کران بەڵام بەشێک لە هاونیشتمانییان نەیانتوانی  لەو ماوەیە خانووەکانیان تاپۆ بکەن، ئێستا بەشێکی دیکەشیان تاپۆ دەکرێن.

 

زانیاریی زیاتر: لە قۆناغی یەکەمدا 798 خانووی زێدەرڕۆ تاپۆکران، بڕیاریشە لە قۆناغی دووەمدا 3806 خانوو تاپۆ بکرێن.

 

ئەوەی پێویستە بیزانیت: بۆ سووککردنی باری سەرشانی هاونیشمانییانی کەمدەرامەت، حکومەت بڕیاری داوە ئەو خێزانانەی باری داراییان باش نییە، بەشێوەی قیست ئەو بڕە پارەیە بدەن کە پێویستە هەر خێزانێک لەبەرامبەر تاپۆکردنی هەر خانووێک دەیدەنە حکومەت.