مەسرور بارزانی و خەمیس خەنجەر پەیوەندییەکانی نێوان هەولێر و بەغدا تاوتوێ دەکەن

ئاڤا نیوز

 

مەسرور بارزانی، سەرۆکوەزیرانی هەرێمی کوردستان پێشوازی لە خەمیس خەنجەر، سەرۆکی هاوپەیمانی سیادە کرد، لەمیانەی کۆبوونەوەکەیاندا تاوتوێی پەیوەندی نێوان هەولێر و بەغدایان کردووە.

 

چیرۆکی سەرەکی: ئەمرۆ شەممە، سەرۆکوەزیران مەسرور بارزانی، لە هەولێر پێشوازی لە سەرۆکی هاوپەیمانی سیادە کرد و چەندین پرسی پەیوەست بە ناوچەکە و هەرێمی کوردستانیان تاوتوێ کرد. 

 

ڕاگەیێنراوی فەرمی: فەرمانگەی میدیا و زانیاریی حکومەتی هەرێمی کوردستان ڕایگەیاند، لە کۆبوونەوەکەی ئەمرۆی نێوان سەرۆکوەزیران مەسرور بارزانی و خەمیس خەنجەر، گفتوگۆکراوە لەسەر چارەسەری سەرجەم کێشەکان لە ڕێگەی گفتوگۆ و لەسەر بنەمای دەستوور و ڕێزگرتن لە مافی سەرجەم پێکهاتەکان لە پێناوی پاراستنی ئاسایش و سەقامگیریی عێراق.