بەهۆی دەستکاری کوالێتی بەنزین 65 بەنزینخانە لە هەولێر سزادراون

ئاڤا نیوز

بەهۆی خراپی کوالێتی بەنزین، لە مانگی یەکی ئەمساڵ، 65 بەنزینخانە لە هەولێر سزادراون.

وێنە گەورەکە: بۆ دڵنیا بوون لە کوالێتی ئەو بەنزینەی دەیفرۆشن، لیژنە هاوبەشەکانی تایبەت بە پشکنینی بەنزینخانەکان، رۆژانە پشکنین بۆ سەرجەم بەنزینخانەکان دەکەن ، هەر بەنزینخانەیەک دەستکاری کوالێتی بەنزینەکەی کردبێت ڕێکاری کارگێڕی و یاسایی لە بەرامبەر دەگیرێتەبەر.

لێدوانی فەرمی: سیروان عەبدوڵڵا، سەرۆکی لیژنەی باڵای بەنزینخانەکانی هەولێر بە ئاڤا میدیای گوت: پشکنین بۆ هەموو بەنزینخانەیەک دەکرێت، تەنانەت ئەو بەنزینخانانەش کە بەنزین بە نرخی پاڵپشتکراوی حکومی دابەش دەکەن. تەنها لە مانگی یەکی ئەمساڵ 65 بەنزینخانە لە هەولێر سزادراون.

ژمارەکان وادەلێن: لە سەنتەری شاری هەولێر و دەوروبەری 260 بەنزینخانە هەن ، لەو ژمارەیە ڕۆژانە 25 بۆ 30 بەنزینخانە بەنزین بە نرخی پاڵپشتی کراوی حکومی دەفرۆشن.