سەرۆکوەزیران مەسرور بارزانی پیرۆزبایی لە گەلی لوبنان دەکات

ئاڤا نیوز

 

سەرۆکوەزیران مەسرور بارزانی پیرۆزبایی لە لوبنان دەکات بەبۆنەی پێکهێنانی حکومەتی نوێی ئەو وڵاتە بە سەرۆکایەتیی نەواف سەلام و دەڵێت، "هەرێمی کوردستان ئامادەی هەموو هاوکارییەکە بۆ لوبنان."

 

وێنە گەورەکە: ڕۆژی شەممە،  کابینەی حکومەتی نوێی لوبنان بە سەرۆکایەتیی نەواف سەلام پێکهێنرا و لە 24 وەزیر پێکدێت.  نەواف سەلام، سەرۆکوەزیرانی نوێی ئەو وڵاتە دەڵێت، "ڕیفۆرمی دارایی و بنیادنانەوەی وڵات لەپێشینەی کارەکانمان دەبێت".

 

لێدوانی فەرمی: سەرۆکوەزیران مەسرور بارزانی لە پۆستێکیدا لە تۆڕی کۆمەڵایەتی ئێکس بەبۆنەی پێکهێنانی حکومەتی نوێی لوبنان نووسیویەتی، "پیرۆزبایی  لە لوبنان دەکەین بەبۆنەی پێکهێنانی حکومەتی نوێ بە سەرۆکایەتی نەواف سەلام، هیوای سەرکەوتن بۆ خۆی و کابینە وزارییەکەی دەخوازین لە هێنانەدی ئاسایش و ئارامی و خۆشگوزەرانی بۆ خەڵکی لوبنان".

زانیاریی زیاتر: سەرۆکوەزیران مەسرور بارزانی ڕاشیگەیاندووە، "حکومەتی هەرێمی کوردستان ئامادەی هەموو هاوکارییەکە بۆ لوبنان".