ترەمپ: پووتین نایەوێت چیدیکە خەڵک بمرێت

ئاڤا نیوز

 

دۆناڵد ترەمپ، سەرۆکی ئەمریکا لە چاوپێکەوتنێکدا ئاشکرای دەکات، لەگەڵ ڤلادمیر پووتین، سەرۆکی ڕووسیا لەسەر شەڕی ئۆکراینا و ڕووسیا قسەی کردووە. ترەمپ دەڵێت،" پووتین نایەوێت چیدیکە خەڵک بمرێت".

 

بۆچی گرنگە: ترەمپ لە کاتی بانگەشەی هەڵبژاردن بەڵێنی دابوو ئەگەر بگەڕێتەوە کۆشکی سپی، شەڕی ئۆکراینا و ڕووسیا  لە ماوەی 24 کاتژمێر بوەستێنێت.

 

لێدوانی فەرمی: دۆناڵد ترەمپ، سەرۆکی ئەمریکا  لە چاوپێکەوتنێکدا بە ڕۆژنامەی نیویۆرک پۆستی ڕایگەیاند، هیوادارە شەڕی نێوان ئۆکراینا و ڕووسیا کە نزیکە لەوەی پێ بنێتە ساڵی سێیەمەوە بە خێرایی کۆتایی پێبێت.  دۆناڵد ترەمپ لەو چاوپێکەوتنەدا ئەوەشی گوتووە، " ئەو [ پووتین] نایەوێت چیدیکە خەڵک بمرێت"".

 

ئەوەی لە بارەیەوە دەگوترێت: ڕوون نییە  کە ئەو دوو سەرۆکە  کەی قسەیان کردووە،  ئایا لە دوای دەستبەکاربوونی ترەمپ لە مانگی یەکدا قسەیان کردووە، یان پێشووتر، ئەوەش ڕوون نییە کە چەند جار قسەیان کردووە.

 

زانیاریی زیاتر: ترەمپ لە چاوپێکەوتنەکەدا ئاماژەی بە پەیوەندی خۆی و پووتین کردووە و بە " پەیوەندییەکی باش" وەسفی کردووە.