چین: گرنگ نییە كێ دەبێتە سەرۆكی ئەمریكا

ئاڤا نیوز

گەورە بەرپرسانی چین دەڵێن، گرنگ نییە کێ دەبێت بەسەرۆکی ئەمریکا، گرنگ ئەوەیە هەرکەس دەچێتە ئەو شوێنە ڕۆڵێکی باش بگێڕێت لە باشترکردنی پەیوەندییەکانی نێوان هەردوو وڵات.

وێنە گەورەکە: چین و ئەمریکا، لە ساڵانی ڕابردوودا کێشەی زۆریان هەبووە لەسەر پرسی تەکنەلۆجیا و مافی مرۆڤ و بازرگانیی و کێشەی تایوان و پرسی کرێکاران و ئاڵۆزییەکانی دەریای باشووری چین.

لێدوانی فەرمی: لو چینجیان، گوتەبێژی پەرلەمانی چین لە کۆنگرەیەکی ڕۆژنامەوانیدا لە وەڵامی پرسیارێک سەبارەت بە هەڵبژاردنەکانی ئەمریکا ڕایگەیاند: "ئەمە کارێکی ناوخۆی ئەمریکایە، گرنگ نییە کێ دەبێتە سەرۆک، هیوادارین ئەمریکا بتوانێت بە هەمان ئاڕاستە لەگەڵ چین کار بکات و کار بۆ پەیوەندییەکی سەقامگیر بکات".

باکگراوند:  ئەمریکییەکان لە مانگی نۆڤەمبەری ئەمساڵدا دەچنە سەر سندووقەکانی دەنگدان کە پێدەچێت دۆناڵد ترەمپ سەرۆکی پێشووی ئەمریکا یان جۆ بایدن سەرۆکی ئێستای  ئەمریکا دەرگای کۆشکی سپییان بۆ بکرێتەوە.