10 هەزار کارمەندی ئاسایش لە سلێمانی ناویان بۆ وەرگرتنی زەوی گەڕاوەتەوە

 

ئاڤا نیوز

لە درێژەی هەوڵەکانی حکومەتی هەرێمی کوردستان بۆ دابەشکردنی زەوی بەسەر فەرمانبەران و هێزە ئەمنییەکان، هەزاران کارمەندی ئاسایش لە سلێمانی ناویان بۆ وەرگرتنی زەوی گەڕاوەتەوە.

لێدوانی فەرمی: سەربەست مەولوود سەرپەرشتیاری تیمی وردبینیکردن لە فۆرمی دابەشکردنی زەوی بۆ ئاڤا دەڵێت: 10 هەزار کارمەندی ئاسایش لە سنووری سلێمانی ناویان بۆ وەرگرتنی زەوی گەڕاوەتەوە، ڕەزامەندیشییان لەسەردراوە و ڕەوانەی شارەوانییەکان دەکرێت تاوەکو بەپێی شوێنی خۆیان زەوییان پێبدرێت.

ئێستا 20 هەزار ناوی دیکە لە وەزارەتی شارەوانی ماوە وردبینی تێدا بکرێت، کە ئەوانیش کارمەندەکانی سنووری هەولێر و دهۆکن، بەشێکیشیان لەم ژمارە وردبینییان تێداکراوە و بەشێکی دیکەش لە هێزەکانی ئاسایشی ناوخۆ ئێستا لەبەردەستی تیمەکاندایە، وردبینییان تێدا دەکرێت و چاوەڕێ دەکرێت لە داهاتووێکی نزیک وردبینییەکەیان تەواوبێت و بەرزبکرێتەوە بۆ ئەنجوومەنی وەزیران، بۆ ئەوەی ئەوانیش ڕەزامەندییان لەسەر بدرێت و زەوی وەربگرن.