هاونیشتمانیانی قەزای پشدەر نزیکەی 20 ساڵە چاوەڕوانی دروستکردنی بەنداوی دەڵگەن

ئاڤا نیوز

 

نزیکەی 20 ساڵە بڕیاری دروستکردنی بەنداوی دەڵگە لە سنووری قەزای پشدەر دەرچووە، بەڵام تاوەکو ئێستا کاری تێدا نەکراوە و هاونیشتمانیانیش لە چاوەڕوانیدان.

 

چیرۆکی سەرەکی: بەنداوەکە پلانێکی ستراتیژی حکومەتی هەرێمی کوردستان و عێراقە بۆ گلدانەوەی ئاو لەو سنوورە کە زیاتر لە 200 ملیۆن مەتر سێجا ئاو لەخۆ دەگرێت، هاوکات بودجەی خەمڵێنراو بۆ تەواوکردنی پڕۆژەکە بە 400 ملیار دینارە. 

 

زانیاریی زیاتر: شوێنی دیاریکراو بۆ دروستکردنی بەنداوەکە دیاریکراوە کە دەکەوێتە سەر زێی بچووک لەسنووری قەزای پشدەر، حکومەتی هەرێمی کوردستانیش لە چاوەڕوانی بەغدا دایە تاوەکو بودجەی پێویست بۆ دەستپێکردن بە کارکردن لە پڕۆژەکە دابین بکات.