قۆناغی دووەمی دابەشکردنی زەوی لە زاخۆ دەستیپێکرد

ئاڤا نیوز

 

قۆناغی دووەمی دابەشکردنی زەوی بەسەر فەرمانبەران لە ئیدارەی سەربەخۆی زاخۆ دەستیپێکردووە و بڕیارە لەم قۆناغە 12 هەزار پارچە زەوی بەسەر فەرمانبەران دابەش بکرێت.

 

وێنە گەورەکە: ئیدارەی سەربەخۆی زاخۆ، یەکەم شوێنە لەسەر ئاستی هەرێمی کوردستان دەستیکردووە بە دابەشکردنی زەوی و پرۆسەکە لەو ئیدارەیە بەخێرایی بەڕێوەدەچێت.

 

لێدوانی فەرمی: یونس محەممەد، سەرۆکی شارەوانی ئیدارەی سەربەخۆی زاخۆ، بە ئاڤا میدیای ڕاگەیاند: "هەر فەرمانبەرێک خزمەتی لە هەشت ساڵ زیاتر بێت، ئەو بڕیارە دەیگرێتەوە و پارچەیەک زەوی پێ دەدرێت، 15 هەزار پارچە زەویمان ئامادەکردووە بۆ دابەشکردن و هەزار و 842 فەرمانبەر ناویان لە وەزارەتی شارەوانی گەڕاوەتەوە".

 

زانیاریی زیاتر: لە ئیدارەی سەربەخۆی زاخۆ، قۆناغی یەکەم چوار هەزار و  747 پارچە زەوی دابەشکران، بڕیارە لە قۆناغی دووەمدا 12 هەزار پارچە زەوی دابەش بکرێت.

 

باکگراوند: وەک ئاسانکاری و کەمکردنەوەی بارقورسی ژیانی فەرمانبەران، ڕۆژی 27ـی ئاداری 2024 سەرۆکوەزیران مەسرور بارزانی، کۆمەڵێک بڕیایدا، یەکێکیان تایبەت بوو بە دابەشکردنی زەوی بەسەر فەرمانبەراندا.