زیاتر لە 200 کیلۆگرام ماددەی هۆشبەر دەستی بەسەردا گیرا

ئاڤا نیوز

 

لە چالاکییەکدا بەڕێوەبەرایەتیی نەهێشتنی ماددە هۆشبەرەکانی هەرێمی کوردستان توانییان دەست بەسەر 208 کیلۆ ماددەی هۆشبەر لە جۆری کاپتاگۆندا بگرن و ژمارەیەک بازرگانیش دەستگیر بکەن.

 

وێنە گەورەکە: بەدواداچوون و گەڕان بۆ بازرگانان و بەکارهێنەرانی ماددەی هۆشبەر لەلایەن ئاسایشی گشتیی لە بەڕێوەبەرایەتیی نەهیشتنی ماددە هۆشبەرەکانی هەرێمی کوردستان بەردەوامە، لە نوێترین چالاکییدا بە هاوکاری بەڕێوەبەرایەتیی گشتیی کاروباری ماددە هۆشبەرەکانی عێراق، توانرا ژمارەیەک بازرگان دەستگیر بکەن و بڕێک لە ماددەی هۆشبەر دەستی بەسەردا بگیرێت.

 

ڕاگەیێنراوی فەرمی: بەڕێوەبەرایەتیی نەهێشتنی ماددە هۆشبەرەکان، ڕایگەیاند: بەڕێوەبەرایەتیی نەهێشتنی ماددە هۆشبەرەکانی سەر بە بەڕێوەبەرایەتیی گشتیی ئاسایش، بە هاوکاری بەڕێوەبەرایەتیی گشتیی کاروباری ماددە هۆشبەرەکانی عێراق، لە چالاکیەکدا توانیان دەست بەسەر 208 کیلۆگرام ماددەی هۆشبەر لە جۆری کاپتاگۆندا بگرن.

 

زانیاریی زیاتر:  لە چالاکییەکەی بەڕێوەبەرایەتیی نەهێشتنی ماددە هۆشبەرەکان  تۆڕێکی بازرگانی ماددەی هۆشبەریش هەڵوەشێنرانەوە، هاوکات سێ بازرگان لە مووسل و کەرکووک دەستگیرکران.