زێلێنسکی: پلانم هەیە لەگەڵ ڕووسیا خاک بگۆڕمەوە

ئاڤا نیوز

ئۆکراینا بە نیازە زەوییە دەستبەسەرداگیراوەکان لە کورسک بگۆڕێتەوە بۆ ئەو خاکەی کە لەلایەن ڕووسیا داگیرکراوە.

چیرۆکی سەرەکی: ڤۆلۆدیمێر زێلێنسکی، سەرۆکی ئۆکراینا دەڵێت، ئەگەر ڕووسیا و ئۆکراینا لەسەر مێزی دانوستان دانیشن و ڕێککەوتنێک بکەن بۆ کۆتایی هێنان بە جەنگ، پلانی ئەوەی هەیە ئەو ناوچانە بگۆڕیتەوە کە کۆنترۆڵی کردووە لە هەرێمی کورسکی نێو خاکی ڕووسیا لە بەرامبەر پێدانەوەی ئەو ناوچانەی ڕووسیا لە خاکی ئۆکراینا کۆنترۆڵی کردوون.

لێدوانی فەرمی: زێلێنسکی لە چاوپێکەوتنێکدا لەگەڵ ڕۆژنامەی گاردیانی بەریتانی وتی: خاکێک بە خاکێکی دیکە دەگۆڕینەوە. بەڵام ئاماژەی بەوەشکرد، نازانێت کیێڤ داوای چ خاکێک لە مۆسکۆ دەکات لە بەرامبەر بەشێک لە هەرێمی کورسک.

زانیاریی زیاتر: زێلێنسکی لە چاوپێکەوتنەکەیدا کە لە 11ـی مانگی 2ـدا بڵاوکرایەوە، وتی "نازانم ئەوە دەبینین یاخود نا،  بەڵام خاکەکانی ئێمە گرنگن، لێرەدا هیچ لە پێشینەیەکی دیکە نییە"، زێلێنسکی بڕیارە لە 14ـی مانگی 2ـی ئەمساڵ لە کۆنفرانسی ئاسایشی میونشن لەگەڵ جێگری سەرۆکی ئەمریکا جەی دی ڤانس و بەرپرسانی دیکەی ئەمریکا  کۆببێتەوە.