وێستگەیەکی کارەبای 120 مێگاواتی لە شێخان دادەنرێت

ئاڤا نیوز

وەزارەتی كارەبای حکومەتی هەرێمی کوردستان، ڕەزامەندیی لەسەر دروستكردنی وێستگەیەكی 120 مێگاواتی لە قەزای شێخان دەدات.

وێنە گەورەکە: حکومەتی هەرێمی کوردستان بەردەوامە لە جێبەجێکردنی پرۆژەکانی کارەبا لە ناوچە جیاوازەکانی هەرێمی کوردستان و باشترکردنی ڕەوشی کارەبا لە هەرێمی کوردستان، بۆئەم مەبەستە ڕەزامەندیی لەسەر جێبەجێکردنی پڕۆژەیەکی دیکەی کارەبا دراوە لە قەزای شێخان، لە ماوەیەکی نزیکدا بەردی بناغەی پڕۆژەکە دادەنرێت.

ڕاگەیێنراوی فەرمی: وەزارەتی کارەبا ڕایگەیاند: ڕەزامەندیی لەسەر جێبەجێکردنی پڕۆژەی دامەزراندنی وێستگەی 132KV لە قەزای شێخان دراوە، بەم نزیکانە بەردی بناغەی بۆ دادەنرێت.

 

زانیاریی زیاتر: قایمقامی شێخان لەگەڵ وەزیری کارەبای حکومەتی هەرێمی کوردستان کوبوونەوەتەوە، پێداگیریان لەسەر جێبەجێكردنی پڕۆژەکانی کارەبا لە سنووری قەزای شێخان کردووە، بەتایبەتی ڕاکێشانی تۆڕی کارەبا و ڕووناکی، هاوکات باسیان لە دانانی سیستمی وزەی خۆر بۆ بیرە کشتوکاڵییەکانی قەزاکە کردووە.