ئەنجوومەنی ئاسایش لەبارەی دۆخی سووریا کۆدەبێتەوە

ئاڤا نیوز

ئەنجوومەنی ئاسایشی نێودەوڵەتی لەبارەی دۆخی سووریا کۆدەبێتەوە، نێردەی نەتەوە یەکگرتووەکانیش دەڵێت، پێویستە گواستنەوەی سیاسی لە سووریادا گشتگیربێت.

چیرۆکی سەرەکی: ئەمڕۆ چوارشەممە ئەنجوومەنی ئاسایشی نێودەوڵەتی لەبارەی دۆخی سووریا کۆدەبێتەوە، تیێدا گێر پێدرسۆن، نێردەی تایبەتی نەتەوە یەکگرتووەکان بۆ سووریا وتارێک پێشکەش دەکات و  باس لە دۆخی ئێستای سووریا دەکات.

ئەوەی پێویستە بیزانیت: پێشتر نێردەی نەتەوە یەکگرتووەکان تایبەت بە سووریا ڕایگەیاندبوو، بەتەواوی ئاگاداری کارنامەی دەسەڵاتی دیمەشقە پەیوەست بە گۆڕانکارییەکانی قۆناغی ڕاگوزەر لە سووریا.

زانیاریی زیاتر: نێردەی نەتەوە یەکگرتووەکان بۆ سووریا دەشڵێت، ئەوان پشتیوانیی لە پرۆسەی گواستنەوەی سیاسی دەکەن بەشێوەیەک گشتگیربێت و سوورییەکان خۆیان بەڕێوەبەربن و لە ئاستی خواستی گەلی سووریاشدا بێت.