زیاتر لە 600 ملیۆن دینار بۆ ژمارەیەک پرۆژە لە هەولێر خەرج دەکرێت

ئاڤا نیوز

وەزارەتی شارەوانی و گەشت و گوزاری هەرێمی کوردستان زیاتر لە 600 ملیۆن دینار بۆ ژمارەیەک پرۆژەی خزمەتگوزاری لە پارێزگای هەولێر دابیندەکات.

چیرۆکی سەرەکی: وەزارەتی شارەوانی و گەشتوگوزار، ڕەزامەندی داوە لەسەر خەرجكردنی گوژمەی 611 میلۆن دینار لەسەر ڕێژەی 15%ـی داهاتی شارەوانیی لە سنووری سەرۆكایەتیی شارەوانیی هەولێر، بەمەبەستی جێبەجێكردنی پێنج پرۆژە لە شاری هەولێر.

ڕاگەیێنراوی فەرمی: وەزارەتی شارەوانی و گەشت و گوزاری هەرێمی کوردستان ڕایگەیاند: ڕەزامەندی دراوە بۆ دابینکردنی گوژمەیەک لەسەر ڕێژەی داهاتی شارەوانیی، بەمەبەستی جێبەجێكردنی ئەو پرۆژانە: 

-    پرۆژەی دروستكردنی چەند شەقامێك لە گەڕەكی سەربەخۆیی.

-  كڕینی كەرەستە و گازوایل بۆ بەرهەمهێنانی تێكەڵە و تێكەڵەی ئەسفەڵتی بۆ قیرتاوكردن و نۆژەنكردنەوەی شەقامەكان.

-     فراوانكردنی شەقام لە گەڕەكی زانكۆ.

-     تێكەڵەڕێژكردنی شەقامی 20مەتری و 15مەتری لە گەڕەكی سەربەخۆیی.

-     قیرتاوكردنی شەقام لە نێوان گوندی سێبەردان و كەرتی دە هەزاری  لە سنووری شارەوانیی سێ.

ئەوەی پێویستە بیزانیت: جگە لەو پرۆژانە، ئێستا لە سنووری سەرۆكایەتیی شارەوانیی هەولێر، ژمارەیەك پرۆژەی دیكەی خزمەتگوزاری لە قۆناغی جێبەجێكردندان و بۆ ئەمساڵیش بەپێی پلانی شارەوانی، پرۆژەی دیكەی خزمەتگوزاری دەكەونە بواری جێبەجێكردنەوە.