زیاتر لە 15 ملیۆن لیتر نەوتی سپی بۆ هەولێر دابین دەکرێت

 

ئاڤا نیوز

حکومەتی عێراق نەوتی سپی بۆ سنووری پارێزگای هەولێر دابین دەکات، قایمقامی هەولێریش لەمبارەیەوە دەڵێت 'عێراق زیاتر لە 15 ملیۆن لیتر نەوتی بۆ ناردووین، بەڵام ئەم بڕە زۆر کەمە'.

لێدوانی فەرمی: نەبەز عەبدولحەمید، قایمقامی هەولێر، بە ئاڤا میدیای ڕاگەیاند: عێراق 15 ملیۆن و 800 هەزار لیتر نەوتی بۆ سنووری هەولێر ناردووە، بەڵام ئەم بڕە زۆر کەمە و بەشی هەموو سنوورەکە ناکات، بۆیە لە ناوچە شاخاوییەکان دابەشی دەکەین.

قایمقامی هەولێر دەڵێت: لە سەرەتای ئەمساڵەوە ئەمە یەکەم جارە عێراق نەوتی سپی بۆ سنووری ئێمە دابین دەکات، بۆیە چاوەڕوانین بڕێکی زیاتر بنێرێت.

زانیاری زیاتر: لەو بڕە نەوتەی عێراق دابینی کردووە، 100 لیتر بە هەر خێزانێک دەدرێت.

ئەوەی پێویستە بیزانیت: لە سەرەتای زستانەوە حکومەتی هەرێمی کوردستان نەوتی سپی بەسەر ناوچە شاخاوییەکان و سەنتەری شارەکان دابەش کرد.