لە سنووری کەرکووک ژمارەیەک چەکداری داعش دەکوژرێن

ئاڤا نیوز

لە ناوچەی وادی زغیتوون لە چوارچێوەی فەرماندەیی ئۆپەراسیۆنەکانی کەرکووک، چەند حەشارگەیەکی داعش بۆردوومانکراون و ژمارەیەک ئەندامی ڕێکخراوەکەش کوژراون.

وێنە گەورەکە: هەرچەندە داعش لە ساڵی 2017ـەوە کۆتاییهاتنی وەکو ڕێکخراوێک ڕاگەیێنراوە، بەڵام شانە نوستووەکانی ڕێکخراوەکە ماون و هەندێکجار هێزە ئەمنییەکان و هاووڵاتیانی عێراق بەئامانج دەگرن.

ڕاگەیێنراوی فەرمی: فەرماندەیی ئۆپەراسیۆنە هاوبەشەکانی عێراق ڕایگەیاند:

ڕۆژی 9ـی شوبات فڕۆکەی ئێف 16ـی عێراق چەند حەشارگەیەکی داعشی لە ناوچەی وادی زغیتوون بۆردوومانکرد و ئەوانەی لەناو حەشارگەکەدا بوون، کوژراون.

لەمیانەی کێوماڵکردنی ئەو ناوچەیە لەلایەن هێزە ئەمنییەکانەوە، تەرمی دوو ئەندامی داعش دۆزراوەتەوە کە یەکێکیان سەرکردەی ڕێکخراوەکە بووە، دەستیش بەسەر ژمارەیەک چەک و کەرەستەی سەربازییدا گیراوە.