لە سلێمانی 184 کیلۆ کۆشتی هندی لەناودەبرێت

ئاڤا نیوز

لیژنه‌ هاوبه‌شه‌كانی قایمقامیه‌تی سلێمانی ده‌ست به‌سه‌ر ئاژه‌ڵێك و بڕێكی زۆر گۆشتی هندی قه‌ده‌غه‌كراودا ده‌گرن كه‌ له‌ ده‌ره‌وه‌ی كوشتارگه‌ و به‌بێ پشكنینی ڤێتێرنه‌ری و ته‌ندروستی سه‌ربڕا بوون.

وێنە گەورەکە:  لیژنه‌ هاوبه‌شه‌كانی قایمقامی سلێمانی، له‌سه‌ر زانیاری به‌ڕێوه‌به‌رایه‌تیی ئاسایش و دوای وه‌رگرتنی ڕه‌زامه‌ندیی دادوه‌ر، سه‌ردانی ماڵێكی كردووه‌ له‌ گه‌ڕه‌كی سه‌رچنار و ده‌ستیان به‌سه‌ر 184 كیلۆگرام گۆشتی هیندی قه‌ده‌غه‌كراودا گرتووه‌.

ڕاگەیێنراوی فەرمی: قایمقامیەتی سلێمانی ڕایگەیاند: به‌پێی ڕێنماییه‌كانی وه‌زاره‌تی كشتوكاڵ، هاورده‌ كردنی گۆشتی هندی قه‌ده‌غه‌یه‌ و له‌هه‌ر شوێنێكدا ده‌ستی به‌سه‌ردا بگیرێت، ته‌واوی گۆشته‌كه‌ له‌ناوده‌برێت و له‌لایه‌ن لیژنه‌ هاوبه‌شه‌كانی قایمقامیه‌تی سلێمانییه‌وه خاوه‌نه‌كه‌شی‌ ڕووبه‌ڕوی ڕێكاری یاسایی ده‌كرێته‌وه‌.

زانیاریی زیاتر:  بێجگه‌ له‌ ده‌ستبه‌سه‌رداگرتنی گۆشته‌ هندییه‌كه‌، خاوه‌ن ماڵه‌كه‌ ئاژه‌ڵێك (گوێره‌كه‌یه‌ك)ـی به‌ده‌ر له‌ ڕێنمایی و به‌بێ پشكنینی ڤێتێرنه‌ری و ته‌ندروستی سه‌ربڕیوه‌، كه‌ كێشه‌كه‌ی 160 كیلۆگرام بووه‌، له‌لایه‌ن لیژنه‌ی باڵای قایمقامییه‌ته‌وه‌ ده‌ستی به‌سه‌ردا گیراوه‌.

ئەوەی پێویستە بیزانیت: بۆ له‌ناوبردنی به‌شێوه‌یه‌كی زانستی، به‌فه‌رمانی قایمقامی سلێمانی ته‌واوی گۆشته‌ هندییه‌كه‌ و ئاژه‌ڵه‌ سه‌ربڕڕاوه‌كه‌ ڕه‌وانه‌ی به‌ڕێوه‌به‌رایه‌تیی ڤێترێنه‌ری سلێمانی ده‌كرێت و خاوه‌نه‌كه‌شی ڕووبه‌ڕووی ڕێكاری یاسایی ده‌كرێته‌وه‌.

باکگراوند: لە مانگی یەکی ئەمساڵدا،

- 14 تۆن و 991 کیلۆ کەلوپەل و خواردنی ماوەبەسەرچوو لە سلێمانی دەستیبەسەردا گیراوە و بە بڕی 52 ملیۆن و 250 هەزار دینار سزای پێبژاردن بۆ ئەو شوێنانە کراوە کە پابەندی ڕێنماییەکان نەبوون.

- لەو مانگەدا لیژنەکان شەش هەزار و 275 سەردانیان بۆ شوێنە گشتییەکان ئەنجامداوە و لەو سەردانانەدا 154 ئاگادارکردنەوە و 376 سەرپێچی جۆراوجۆر تۆمارکراون و 16 شوێنیش داخراون.