فەرمانی پێدانی زەوی بۆ ژمارەیەک ئەفسەر و پلەدار و پێشمەرگە دەرچوو

 

ئاڤا نیوز

وەزارەتی پێشمەرگە دەڵێت، دوای بریاری ئەنجوومەنی ژمارە 242 لە 2024-03-27، نووسراوی گشتاندنی سەرۆکایەتیی دیوانی ئەنجوومەنی وەزیران ژمارە 7820 لە2024-06-12، تایبەت بە دابەشکردنی زەوی بەسەر فەرمانبەران و هێزە ئەمنیەکان و خانەنشینان بە پێی ڕێنمایی ژمارە 2ـی ساڵی 2024، زەوی بەسەر ئەفسەر و پلەدار و پێشمەرگە دابەشدەکرێت.

لێدوانی فەرمی: وەزارەتی پێشمەرگە ڕایگەیاند، لە گەڕی دووەمی پڕۆسەی ناردنی ناوەکان لە کۆی 18 هەزار و 879 ناوی ئەفسەر و پلەدار و پێشمەرگە کە بە دوو وەجبە ڕەوانەی وەزارەتی شارەوانیمان کردووە،  9 هەزار و 165 ئەفسەر و پلەدار و پێشمەرگە، فەرمانی تەرخانکردنی زەوییان بۆ دەرچووە.

ژمارەکان وادەڵێن: زەوییەکان بەمشێوەیە دابەشی سەر پارێزگا و ئیدارە سەربەخۆکانی هەرێمی کوردستان کراوە:

- سنووری ئیدارەی سەربەخۆی زاخۆ 114 ناو.

 

 

-سنووری پارێزگای هەڵەبجە 18 ناو.

-سنووری ئیدارەی سەربەخۆی راپەرین490 ناو.

-سنووری پارێزگای سڵێمانی 627 ناو.

-سنووری پارێزگای هەولێر 3899 ناو.

-سنووری پارێزگای دهۆک2413 ناو.

-سنووری ئیدارەی سەربەخۆی گەرمیان 48 ناو.

-سنووری ئیدارەی سەربەخۆی سۆران 1544 ناو.

زانیاری زیاتر: پڕۆسەی دابەشکردنی زەوی بەردەوامی دەبێت و بۆیە داوا لە هەموو ئەو هێز و یەکانەی وەزارەتی پێشمەرگە کراوە، کە تاکوو ئێستا فۆرمەکانیان تەواو نەکردووە پەلەبکەن لە ڕێکخستن و بە داتاکردنی فۆرمەکانیان و بە ڕێکوپێکی ناردنیان بۆ لیژنەی زەوی وەزارەتمان و هاوکارمان بن لە جێبەجێکردنی ئەو ڕێنماییانەی بۆیان نێردراوە بۆ ئەوەی زۆرترین پێشمەرگە سوودمەندبێت لەم پڕۆسەیە لە سەرتاسەری هەرێمی کوردستان.