سەرۆکی هەرێمی کوردستان سەردانی ئەڵمانیا دەکات

ئاڤا نیوز

 

بەمەبەستی بەشدایکردن لە کۆنفرانسی ئاسایشی میونشن، نێچیرڤان بارزانی، سەرۆکی هەرێمی کوردستان گەیشتە ئەڵمانیا. بڕیاریشە لە پەراوێزی کۆنفرانسە سێ ڕۆژەکەدا سەرۆکی هەرێمی کوردستان چەندین دیدار و کۆبوونەوەی گرنگ بکات. 

 

وێنە گەورەکە: کۆنفرانسی ئاسایشی میونشن، ساڵانە لە ئەڵمانیا دەکرێت کە درووشمی سەرەکی بریتییە لە ئاشتی لە ڕێگەی دیالۆگەوە، کۆنفرانسەکە لەماوەی چوار دەیەی ڕابردوودا بووەتە ناوەندێکی سەربەخۆ بۆ ئاڵوگۆڕی بیروڕا لەلایەن بڕیاردەرانی سیاسەتی ئاسایشی نێودەوڵەتی، کە زیاتر لە 350 کەسایەتی پلە باڵا لە زیاتر لە 70 وڵاتی جیهان کۆدەکاتەوە. 

 

ڕاگەیێنراوی فەرمی: دڵشاد شەهاب، وتەبێژی سەرۆکایەتیی هەرێمی کوردستان ڕاگەیاند، ئەمڕۆ پێنجشەممە سەرۆکی هەرێمی کوردستان بۆ بەشداریکردن لە کارەکانی ئاسايشى ميونشن، گه‌يشتووه‌ته‌ ئه‌ڵمانيا.

 

زانیاریی زیاتر: وتەبێژی سەرۆکایەتیی هەرێمی کوردستان باسی لەوەشکردووە، نێچيرڤان بارزانى له‌ ميانى سێ ڕۆژى كۆنفرانسه‌كه‌دا، له‌گه‌ڵ ژماره‌يه‌ک له‌ سه‌ركرده‌ و به‌رپرسانى باڵاى وڵاتان كه‌ له‌ كۆنفرانسه‌كه‌دا به‌شدارن، چه‌ندين ديدار و كۆبوونه‌وه‌ى ده‌بێت و ده‌رباره‌ى په‌يوه‌ندييه‌كانى هه‌رێمى كوردستان و عێراق له‌گه‌ڵ وڵاتان، هاوکات دوایین گۆڕانکاریی ناوچەکە تاوتوتێ دەکەن.