لیژنەی ستراتیژی ئاسایشی نیشتمانی عێراق سەردانی سەرۆک بارزانی دەكەن

ئاڤا نیوز

 

شاندێكی پەرلەمانی عێراق سەردانی سەرۆک بارزانیان كرد و مەبەستی سەرەكی سەردانەكەش هەڵسەنگاندنی بڕیاری پێداچوونەوەیە بە ستراتیژی ئاسایشی نیشتمانی عێراق.

 

چیرۆکی سەرەکی: ئێوارەی ئەمڕۆ 13-2-2025، شاندێكی ئەنجوومەنی نوێنەرانی عێراق لە سەڵاحەددین سەردانی سەرۆک بارزانییان كرد، كە پێكهاتبوون لە ئەندامانی لیژنەی چاودێریی ئامادەكردنی ستراتیژیەتی ئاسایشی نیشتیمانی عێراق لە ئەنجوومەنی نوێنەرانی عیراق. 

 

بڵاوکراوەی فەرمی: هەرێم كەمال ئاغا، ئەندامی پەرلەمانی عێراق و ئەندامی لیژنەكەیە لەپێگەی فەرمی خۆی ڕایگەیاند، مەبەست لەسەردانەكە بۆ لای سەرۆک مسعود بارزانی و سەرجەم سەركردە سیاسیەكانی دیكەی عێراق، بۆ زیاتر بەرچاوڕوونی و گفتوگۆكردن و وەرگرتنی بیروڕا و هەڵسەنگاندنە سەبارەت بە بریاری  پێداچوونەوە بە ستراتیژی ئاسایشی نیشتمانی عیراق.

 

زانیاریی زیاتر: ئامانجی ستراتیژیی ئاسایشی نیشتیمانی عێراق، لەبەرچاوگرتنی گۆڕانکارییە هەنوكەییەكانی ناوچەکە و ئاڵنگارییە ئەمنیە ناوخۆیی و دەرەكییەكانە، بەجۆرێک كە پابەند بێت بە بنەما سەرەکییەکانی دەستوور و ئەو یاسایانەی کە پەیوەستن بە ڕێكخستنی مافەکانی مرۆڤ و پاراستنی  هاووڵاتییان.