لە پاکستان، لە تەقینەوەیەکدا 10 کەس کوژران

ئاڤا نیوز

بە هۆی تەقینەوەیەکەوە لە باشووری خۆرئاوای پاکستان 10 کرێکار کوژران. مینێکی چێنراو بە ئۆتۆمۆبێلی کرێکارەکاندا تەقێنراوەتەوە. 

ڕاگەیێنراوی فەرمی: بە گوێرەی ڕاگەیێنراوێکی حکومەتی پاکستان، قوربانییەکان کرێکاری کانەکان بوون و لە ناوچەی هارانی کراونەتە ئامانج کاتێک کە ویستوویانە لە شوێنی کارەکەیانەوە بۆ بازاڕ بڕۆن و کراونەتە ئامانج.

ئەوەی پێویستە بیزانیت: ناوچەی 'هارانی' 160 کیلۆمەتر لە 'کوێتا'ی پایتەختی پارێزگای 'بەلوچستان' لە باشووری خۆرئاوای پاکستان دوورە. 

ڕاگەیێنراوی فەرمی: پۆلیس ڕایگەیاندووە، لێکۆڵینەوە لە هێرشەکە دەکەن. تا ئێستا هیچ کەس و لایەنێک ڕووداوەکەی لە ئەستۆ نەگرتووە، بەڵام 'سوپای ئازادیی بەلووچ' پێشتر هێرشی لەم جۆرەی لە دژی هێزە ئەمنییەکانی پاکستان لە ئەستۆ گرتووە.