لە دهۆک بۆ ڕۆژی ڤالانتاین سێ هەزار مۆبایلی ئایفۆن وەک دیاریی فرۆشراون

ئاڤا نیوز

 

لە دهۆک ڤالانتاین بازاڕی موبایلی زیرەکی گەرم کردووە و تەنیا لە یەک ڕۆژدا نزیکەی سێ هەزار مۆبایلی ئایفۆن وەک دیاری ئامادەکراون پێشوەختە فرۆشراون، دواتریش لەلایەن عاشقان و خۆشەویستانەوە وەک دیاری پێشکەش بە یەکدی دەکرێن.

 

وێنە گەورەکە: لە سەدەی 14 ـەوە ڕۆژی 14ـی 2ـی هەموو ساڵێک لە جیهاندا وەک ڕۆژی "ڤالانتاین"  عاشقان و خۆشەویستان دیاریکراوە، لەم رۆژەدا بە بەخشینی گۆڵ و دیاری، عاشقان و خۆشەویستان هەست و سۆز و خۆشەوسیتیان بۆ یەکتری دەردەبڕن. لە هەرێمی کوردستانیش ئەم ڕۆژە لەلایەن عاشقانەوە بە کڕینی گوڵ و دیاریی یاد دەکرێتەوە و ئەمەش بووەتە هۆی گەرمکردنی بازاڕی فرۆشیارانی گوڵ.

 

زانیاریی زیاتر: دهۆک بە ئامادەکردنی زیاتر لە 60 هەزار گوڵ خۆی بۆ ڤالانتاین ئامادەکردووە.  بە جۆرێک  کچێک بە بەهای یەک دەفتەر دۆلار گوڵی بۆ خۆشەویستەکەی کە لە هەولێرە، کڕیوە و لە ڕۆژی ڤالانتاین پێشکەشی دەکات.

 

ئەوەی پێیستە بیزانیت:  پێشکەشکردنی گوڵ و موبایلی زیرەک لە دهۆک بووەتە نەریتێک لەلایەن خەڵکی شارەکەوە. لە کاتی نزیکبوونەوەی ڕۆژی ڤالانتاینیش بۆ ئەوەی بۆکسێکی جوان داوا بکەی دەبێت هەفتەیەک پێشوەختە ناوی خۆت بنووسی.

 

لەلایەکی دیکە: تەنها بۆ ڕۆژانی ڤالانتاین لە دهۆک 3000 موبایلی زیرەک لە جۆری iphone16 ئامادەکراون و فرۆشراون.