هەرێمی كوردستان و قەتەر برەو بە پەیوەندییەكانیان دەدەن

ئاڤا نیوز

سەرۆكی هەرێمی كوردستان و وەزیری دەوڵەت لە وەزارەتی دەرەوەی قەتەر، لە ئەڵمانیا كۆبوونەوە و باسیان لە برەودان بە پەیوەندییەكانی نێوان هەرێمی كوردستان و قەتەر كرد.

وێنە گەورەكە: بەمەبەستی بەشداریكردنی لە كۆنفرانسی ئاسایشی میونشن لە ئەڵمانیا، ئەمڕۆ هەینی 14-2-2025، نێچیرڤان بارزانی، سەرۆكی هەرێمی كوردستان بە سەردانێك گەیشتە ئەڵمانیا، لە پەراوێزدا لەگەڵ  له‌گه‌ڵ د. محه‌مه‌د ئه‌لخلێفى، وه‌زيرى ده‌وڵه‌ت له‌ وه‌زاره‌تى ده‌ره‌وه‌ى قه‌ته‌ر كۆبووه‌وه‌.

ڕاگەیێنراوی فەرمی: سەرۆكایەتی هەرێمی كوردستان بڵاوی كردەوە:

- له‌ كۆبوونه‌وه‌كه‌دا باسيان له‌ بره‌ودان به‌ په‌يوه‌ندييه‌كانى قه‌ته‌ر له‌گه‌ڵ عێراق و هه‌رێمى كوردستان كرد و تيشكيان خسته‌ سه‌ر دۆخى عێراق و هه‌رێمى كوردستان و دوايين پێشهاته‌كانى ڕۆژهه‌ڵاتى ناوه‌ڕاست و ناوچه‌كه‌ به‌گشتى و سووريا به‌تايبه‌تى.

- هه‌ردوولا پشتگيرييان بۆ ئارامى و سه‌قامگيرى له‌ سووريا دووپات كرده‌وه‌ و پرسى كورد و پێكهاته‌كانیان له‌ سوورياى تازه‌دا خستە بەر باس و نێچيرڤان بارزانى، جەختی لە داكۆكیکردن له‌ پاراستنى مافه‌كانى كورد و ته‌واوى پێكهاته‌كان و به‌شداريى كارايان له‌ بنياتنانى داهاتووى سووريادا كرده‌وه‌.

- په‌يوه‌ندييه‌كانى عێراق و هه‌رێمى كوردستان له‌گه‌ڵ وڵاتانى دراوسێ و ناوچه‌كه‌ و چه‌ند پرسێكى ديكه‌ى جێى بايه‌خى هاوبه‌ش، ته‌وه‌رێكى ديكه‌ى كۆبوونه‌وه‌كه‌ بوو.