ڕووسیا بەئامانجگرتنی چێرنۆبڵ ڕەتدەکاتەوە

ئاڤا نیوز

کۆشکی سەرۆکایەتیی ڕووسیا، کرێملین ڕەتیکردەوە سوپای ئەو وڵاتە ژێرخانی وزەی ئەتۆمیی ئۆکراینای بە ئامانج گرتبێت و وێستگەی ئەتۆمیی چێرنۆبڵی پێکابێت.

ڕاگەیێنراوی فەرمی: پێشتر، ئۆکراینا ڕایگەیاندبوو،

- درۆنێکی ڕووسی بەر سەقفی پاراستنی وێستگە ئەتۆمییەکە کەوتووە کە بۆ ڕێگریکردن لە تیشکدانەوەی وێستگەکە درووست کراوە.

- هاوکات، ئۆکراینا ئەوەشی ڕاگەیاندبوو کە بە هۆی ئەم ڕووداوەوە تیشکدانەوەی ئەتۆمیی وێستگەکە زیاتر نەبووە.

لێدوانی فەرمی: دیمیتری پێسکۆڤ، وتەبیژی سەرۆکایەتیی ڕووسیا، ڕایگەیاند، "هەر بانگەشەیەک لە بارەی بە ئامانجگرتنی ژێرخانی ئەتۆمی دوورە لە ڕاستییەوە." دڵنیاییشی داوە لەوەی کە "سوپای ڕووسیا ئەم کارە ناکات."