بەهۆی هەرزانی کرێی گواستنەوەیانەوە داوای زیادکردنی هێڵەکانی پاس لە هەولێر دەکرێت

ئاڤا نیوز

بەهۆی کەمی کرێی گواستنەوە بە پاس، تا دێت خواست لەسەری زیاتر دەبێت. هاوکات  لە ژمارەیەک کۆمەڵگا و گەڕەکی هەولێر نەبوونی هێڵی پاس بووەتە جێگەی نیگەرانیی هاووڵاتییان و داوا دەکەن پاسەکان زیاتر بکرێن.

 

لێدوانی فەرمی: هاونیشتمانییەک قسەی بۆ ئاڤا کردووە و دەڵێت، ڕۆژانە هەشت هەزار دینار بە کرێی تەکسی دەدات تاوەکو دەگاتە ناوشار،  هاوکات لە نەبوونی پاس نیگەرانە و داوا دەکات بۆیان دابین بکرێت.

 

بۆچوونی لایەنی بەرامبەر: سەندیکای گواستنەوە و گەیاندنی هەولێر لەبارەی داواکاری هاونیشتمانییانەوە دەڵێت، لە ماوەیەکی نزیکدا هێڵی تایبەتی پاس لە ژمارەیەکی زۆری کۆمەڵگا و ئەو گەڕەکانە دادەنرێن کە لە سەنتەری شارەوە دوورن و لە پلاندایە لە داهاتوودا فراوانتر بکرێت.  

زانیاریی زیاتر: لە سەنتەری شاری هەولێر 33 هێڵی پاس هەن کە 24ـیان کۆستەرن و 9ـی دیکە مینی پاسن، نرخی گواستنەوەشیان لە ناو شار بە 500 دینارە و لە دەرەوەی شاریش 750 دینارە.