لە مانگی ڕەمەزاندا بانگدان دەکرێتە مەرکەزی

ئاڤا نیوز

بڕیارە لەسەرتاسەری هەرێمی کوردستان بانگدان بکرێتە مەركەزی، لە مانگی ڕەمەزاندا لە شاری هەولێر و دەوروبەری بەردەوام دەبێت.

وێنە گەورەکە: ئەم پڕۆژەیە لەلایەن وەزارەتی ئەوقاف و كاروباری ئایینی حكومەتی هەرێمی كوردستان لە ماوەی ڕابردوودا كاری لەسەر كراوە، لە دهۆک و زاخۆ و ڕانیە تەواو بووە و کاری پێدەکرێت، سەرەتا بۆ نوێژی بەیانی و خۆرئاوابوون جێبەجێ دەكرێت.

لێدوانی فەرمی: نەبەز ئیسماعیل، بەڕێوەبەری ئەوقافی هەولێر، بە ئاڤا نیوزی ڕاگەیاند:

- لە مانگی ڕەمەزانەوە بانگدان لە مزگەوتەكانی هەولێر و دەورووبەری دەكرێت بە مەركەزی، ستۆدیۆی سەرەكی ناوەندی بانگدانەكە لە هەولێر دەبێت، 45 بانگبێژ بەشداری دەكەن، كە هەندێكیان كارمەندی وەزارەتی ئەوقافن، ئەوانی تریش خۆبەخشن.

- بانگدانەكەش لە ڕێگەی تەكنەلۆجیای ئەلیكترۆنییەوە، ڕاستەوخۆ پەخش دەكرێت نەك لە ڕێگەی تۆماركردنی پێشوەختەوە، ئەم بڕیارە دوای ڕەزامەندی لیژنەی فەتوای هەرێمی کوردستان دراوە و بریاریشە لە داهاتوودا لە سەرتاسەری کورستان جێبەجێ بكرێت.

ئەوەی پێویستە بیزانیت: ژمارەی ئەو مزگەوتانەی بانگدانەکە دەیگرێتەوە، دوو هەزار و 137 مزگەوتە.