کۆمەڵەی هونەرە جوانەکانی سلێمانی میوانداری شانۆی پردێك لە شووشە دەکات

ئاڤا نیوز

کۆمەڵەی هونەرە جوانەکان مەڵبەندی سلێمانی بە هاوکاری پەیمانگای هونەرە جوانەکانی سلێمانی بە سپۆنسەری بەکری بینەر، میوانداری لە شانۆی پردێك لە شوشە دەکات.

زانیاری زیاتر: شانۆی پردێك لە شووشە باسی ئەو کێشەو گرفتانە دەکات کە ڕووبەڕووی ژنان دەبنەوە بە هۆی پیاو سالاری، هەروەها ئەو قوربانیانەی کە دەیدەن بە هۆی دەسەڵاتی خۆسەپێن.

لێدوانی فەرمی:  شەماڵ فەهمی سەرۆکی کۆمەڵەی هونەرە جوانەکان بە ئاڤا میدیای ڕاگەیاند، ئەم شانۆیە یەکێکە لەو شانۆیانەی زۆر کاریگەری هەبووە، وا بڕیارە ڕۆژانی 17 و 18 ـی ئەم مانگە لە هۆڵی بەدیعە دارتاش لە پەیمانگای هونەرە جوانەکان نمایش بکرێت.

ئەوەی پێویستە بیزانیت: شانۆی پردێك لە شوشە لە نووسینی نیگار نادری و دەرهێنانی دەریوش ڕەفعەتە، کاری وەرگێڕانی لەلایەن زاهید ئارامی بۆ کراوە، هەروەها لە فیستیڤاڵی شانۆی سەقز خەڵاتی باشترین ئەكتەر دراوە بە نارین جەلیلی کە یەکێکە لە ئەکتەرە سەرەکیەکانی ناو شانۆکە.