شێخ ئه‌حمه‌د عه‌بدوڵڵا و نێچیرڤان بارزانی باس لە په‌يوه‌ندييه‌كانى هه‌ولێر و به‌غدا دەکەن

ئاڤا نیوز

 

لە پەراوێزی کۆنفرانسی ئاسایشی میونشن، سەرۆکی هەرێمی کوردستان لەگەڵ شێخ ئه‌حمه‌د عه‌بدوڵڵا ئه‌لئه‌حمه‌د ئه‌لسه‌باح سه‌رۆكوه‌زيرانى كوێت، كۆبووه‌وه‌، لەمیانەی کۆبوونەوەکەیاندا باسیان لە پەیوەندییەکانی نێوان هەولێر و بەغدا کردووە. 

 

چیرۆکی سەرەکی: ڕۆژی پێنجشەممە، نێچیرڤان بارزانی گەیشتە وڵاتی ئەڵمانیا بەمەبەستی بەشداریکردن لە کۆنفرانسی ئاسایشی میونشن لەو وڵاتە، لەو چوارچێوەیەدا ئەمڕۆ هەینی سەرۆکی هەرێمی کوردستان چەند دیدار و کۆبوونەوەیەکی گرنگی ئەنجامداوە. 

 

زانیاریی زیاتر: هەر لە میونشن سه‌رۆكى هه‌رێمى كوردستان، له‌گه‌ڵ شێخ ئه‌حمه‌د عه‌بدوڵڵا ئه‌لئه‌حمه‌د ئه‌لسه‌باح. سه‌رۆكوه‌زيرانى كوێت، كۆبووه‌وه‌ و په‌يوه‌ندييه‌كانى كوێت له‌گه‌ڵ عێراق و هه‌رێمى كوردستان، دۆخى ناوخۆى عێراق و هه‌رێمى كوردستان، په‌يوه‌ندييه‌كانى هه‌ولێر ـ به‌غدا، دۆخى سووريا و دوايين پێشهاته‌كانى ناوچه‌كه‌يان، تاوتوێ كرد.

 

ئەوەی پێویستە بیزانیت: هه‌ردوولا جه‌ختيان له‌ فراوانكردنى هاريكاريى هاوبه‌ش له‌ هه‌موو بواره‌كاندا كرده‌وه‌، هه‌روه‌ها هاوڕا بوون له‌سه‌ر گرنگيى پاراستنى ئارامى و سه‌قامگيرى و دوورخستنه‌وه‌ى وڵاتانى ناوچه‌كه‌ له‌ كێشه‌ و ئاڵۆزى.

 

لەلایەکی دیکەوە: لەبارەی دۆخى سوورياوە، هه‌ردوولا جه‌ختيان له‌ گرنگيى ئارامى و سه‌قامگيريى وڵاته‌كه‌ و پاراستنى مافى ته‌واوى پێكهاته‌كانى كرده‌وه‌.