ئەستۆنیا هاوکاری تەکنەلۆژی و پەروەردەیی پێشکەش بە کوردستان دەکات

ئاڤا نیوز

 

لە پەراوێزی کۆنفرانسی ئاسایشی میونشن، سەرۆکی هەرێمی کوردستان لەگەڵ سەرۆکی ئەستۆنیا کۆبووەوە و باسیان لە پەرەپێدان بە پێوەندییەکان کرد لە بوارەی تەکنەلۆژیا و پەروەردە. 

 

وێنە گەورەکە: کۆنفرانسی ئاسایشی میونشن لە ئەڵمانیا دەستیپێکردووە و لەو چوارچێوەیەدا نێچیرڤان بارزانی، بەشداریی هەیە و لە پەراوێزی کۆنفرانسەکەدا چەندین دیدار و کۆبوونەوەی گرنگی لەگەڵ بەرپرس و سەرکردەی وڵاتان ئەنجام داوە. 

 

زانیاریی زیاتر: لە کۆبوونەوەی نێوان سەرۆکی هەرێمی کوردستان و ئالار کاریس، سەرۆکی ئیستۆنیا، تاوتوێی پەیوەندییە دوولایەنەکانی نێوان ئیستۆنیا و عێراق و هەرێمی کوردستان کراوە، هاوکات باسیان لە‌ چۆنيه‌تيى بەهێزکردنی هاوکاریی هاوبەش لە بوارەکانی ئاسایش، تەکنەلۆژیا و پەروەردەدا کردووە.

 

گۆشەیەکی دیکەی دیمەنەکە: نێچیرڤان بارزانی پێزانینی خۆی بۆ پشتگیریی ئیستۆنیا لە چوارچێوەی هاوپەیمانيه‌تیی نێودەوڵەتیدا بۆ بەرەنگاربوونەوەی تیرۆر دەربڕیوە، هه‌روه‌ها ستایشی دەرفەتەکانی هاوکاریی لە بواری تەکنەلۆژیا و خوێندنی باڵای نێوان هەردوولادا کردووە.

 

لەلایەکی دیکەوە: ئالار کاریس، بانگهێشتی نێچیرڤان بارزانی دەکات بۆ ئیستۆنیا، هەروەها ئاماژەی بە گرنگیی هاوبەشی لە ڕووبەڕووبوونەوەی ئاستەنگە ئەمنییە هەرێمایەتییەکاندا، كرد.