مەسرور بارزانی: هیوادارین هه‌سه‌ده‌ له‌گه‌ڵ هه‌موو هێزه‌ كوردییه‌كانی دیكه‌ كار بكات

ئاڤا نیوز

 

مەسرور بارزانی، سەرۆکوەزیرانی هەرێمی کوردستان لە تازەترین چاوپێکەوتنیدا لەگەڵ کەناڵی ئەلعەرەبییە باسی لە ڕووداو و پێشهاتەکانی سووریا کرد و ئاماژەی بە گرنگی یەکگرتووی کوردانی ئەو ناوچەیە کرد لە پێناو پاراستنی مافی کورد. 

 

وێنە گەورەکە:  مەسرور بارزانی، لە تازەترین چاوپێکەوتنیدا لەگەڵ کەناڵی ئەلعەرەبییە کە شەوی هەینی بڵاوکراوەیەوە، ئاماژەی بە چەندین پرسی گرنگدا پەیوەست بە هەرێمی کوردستان و عێراق و ناوچەکە.

 

لێدوانی فەرمی: بەشێک لە وتەکانی سەرۆکوەزیرانی هەرێمی کوردستان: 

 

- سه‌رۆک بارزانی هانی سه‌رجه‌م هێزه‌ كوردییه‌كانی سووریای دا بۆ ئه‌وه‌ی ڕیزه‌كانیان یه‌ک بخه‌ن، ئێمه‌ کوردی سووریامان هانداوە بۆ ئه‌وه‌ی له‌گه‌ڵ دیمه‌شق ڕێک بكه‌ون و پەیوەست بەم بابەتە لە داڤۆس له‌گه‌ڵ ئه‌سعه‌د شه‌یبانی، وەزیری دەرەوەی حکومەتی نوێ باسی دۆخی سووریامان کرد، له‌گه‌ڵ شه‌یبانی هاوڕا بووین له‌سه‌ر دۆزینه‌وه‌ی چاره‌سه‌رێكی ئاشتییانه‌.

 

- هه‌رێمی كوردستان هه‌وڵیداوه‌ هێزە کوردییەکان به‌یه‌كه‌وه‌ كۆ بكاته‌وه‌، ئاگادار نین چی له‌ نێوان دیمه‌شق و هه‌سه‌ده‌ ده‌گوزه‌رێت، پێمان وایه‌ ده‌بێت دیمه‌شق له‌گه‌ڵ هه‌موو كورد گفتوگۆ بکات، هیوادارین هه‌سه‌ده‌ له‌گه‌ڵ هه‌موو هێزه‌ كوردییه‌كانی دیكه‌ كار بكات.

 

- پرسی داواكاریی كورد له‌ سووریا بۆ خۆیان به‌جێ هێڵدراوه تاوه‌كو بڕیاری لێ بدەن، هه‌سه‌ده‌ نوێنه‌رایه‌تی ته‌واوی كورد ناكات، به‌ڵكو گوزارشت له‌ به‌شێكی كورد ده‌كات، هێزی دیكه‌ی كوردی هه‌یه‌ له‌ سووریا، گوزارشت له‌ به‌شه‌كه‌ی دیكه‌ی كورد یان زۆرینه‌یان له‌و وڵاته‌ ده‌كه‌ن.