کۆریای باکوور: مووشەکەکانمان دەگەنە ئەمریکا

ئاڤا نیوز

 

کۆریای باکوور داوا لە ئەمریکا دەکات ئەگەر بایەخ بە سەلامەتیی خاکی وڵاتەکەی دەدات، ئەوا با واز لە هەڕەشە سەربازییەکان بهێنێت.

 

بڵاوکراوی فەرمی: بە گوێرەی میدیای فەرمیی کۆریای باکوور، وەزارەتی بەرگریی ئەو وڵاتە داوای لە فەرماندەیی باکووری ئەمریکا کردووە واز لە هەڕەشەکردن بهێنێت، چونکە مووشەکە بالیستییە کیشوەبڕەکانی کۆریای باکوور دەکەنە ئەمریکا. 

 

زانیاریی زیاتر: بەم دواییانە فەرماندەی فەرماندەیی باکووری ئەمریکا ڕەخنەی لە بەرنامە مووشەکییەکانی کۆریای باکوور گرتبوو. کۆریای باکوور ڕایگەیاندووە بەرنامە مووشەکییەکانی ئەو وڵاتە بۆ مەبەستی بەرگریکردنە. 

 

ئەوەی پێویستە بیزانیت: کۆریای باکوور ئەمریکا بە ڕەفتاری ڕووبەڕووبوونەوە تۆمەتبار دەکات بەوەی لەگەڵ کۆریای باشوور مانۆری سەربازی ئەنجام دەدات و ژێردەریایی ئەتۆمیی ڕەوانەی نیمچەدوورگەی کۆریا دەکات.