زێلێنسکی: چانسی مانەوەی ئۆکراینا بەبێ پشتیووانی ئەمریکا کەم دەبێتەوە

ئاڤا نیوز

 

ڤۆلۆدیمێر زێلێنسکی، سەرۆکی ئۆکرانیا داوای پشتیووانی ئەمریکا دەکات لەو شەڕە سێ ساڵییەی لەگەڵ ڕووسیا دەستیپێکردووە و دەڵێت، بە بێ پشتیووانی ئەمریکا، وڵاتەکەی چانسی مانەوەی کەم دەبێتەوە.

 

لێدوانی فەرمی: سەرۆکی ئۆکراینا لە پەراوێزی کۆنفرانسی ئاسایشی میونشن لە چاوپێکەوتنێکدا ڕایگەیاند، وڵاتەکەی "چانسی کەم"ـی دەبێت بۆ بەرگەگرتنی لەشکرکێشی ڕووسیا بەبێ پشتیووانی سەربازی لەلایەن ئەمریکاوە.

 

گۆشەیەکی دیکەی ڕووداوەکە: ئەمە لە کاتێکدایە دۆناڵد ترەمپ، سەرۆکی ئەمریکا چەند ڕۆژێک لەمەوبەر ڕایگەیاند، لەگەڵ ڤلادمیر پووتین، سەرۆکی ڕووسیا بە تەلەفۆن قسەی کردووە و دەیەوێت خێراتر شەڕی ڕووسیا و ئۆکراینا کۆتایی بێت، پێشووتریش بەڵێنی دابوو کە کۆتایی بەو شەڕە بێنێت.

 

باکگراوند: ماوەی سێ ساڵە، شەڕی ئۆکراینا و ڕووسیا بەردەوامە، ئەمریکا لە سەردەمی ئیدارەی جۆ بایدن چەند جارێک هاوکاریی سەربازی پێشکەش بە ئۆکراینا کردووە و پشتیووانی لە زێلێنسکی دەکرد دژی لەشکرکێشییەکانی ڕووسیا.