ئۆپەراسیۆنەکانی بەغدا دڵنیایی لە دۆخی ئەمنیی پارێزگاکە دەدات

ئاڤا نیوز

فەرماندەیی ئۆپەراسیۆنەکانی بەغدا دڵنیایی لە دۆخی ئەمنیی پارێزگاکە دەدات و ئاماژە بۆ ئەوە دەکات پشتێن و ناوچەكانی پایتەخت پارێزراون و هیچ پێشێلكارییەكی ئەمنی ڕووینەداوە.

 

ئەوەی پێویستە بیزانیت: بەگوتەی چەند سەرچاوەیەک کە قسەیان بۆ میدیا عێراقییەکان کردووە، بەرەبەیانی ئەمڕۆ شەممە 15-2-205، دەنگی تەقەیەکی زۆر لە چەند ناوچەیەکی دەوروبەری بەغدا بیرسترا بێ ئەوەی هۆکارەکەی بزانرێت

 

لێدوانی فەرمی: فەریق ڕوكن وەلید خەلیفە تەمیمی، فەرماندەی ئۆپەراسیۆنەكانی بەغدا بە ئاژانسی فەرمی عێراقی ڕاگەیاند، سەرجەم پشتێن و ناوچەكانی پایتەخت پارێزراون، هاوكات دۆخی ئەمنیی بەغدا جێگیرە و هیچ پێشێلكارییەكی ئەمنی لە ئارادا نییە.

 

فەرماندەی ئۆپەرانسیۆنەکانی بەغدا دڵنیایی دەدات کە پشتێنەی بەغدا و هەموو ناوچەكانی دیکە لە ڕێگەی هێزە ئەمنییەكانی ئەوانەوە لە هەموو ناوچەكانی پایتەخت و دەورووبەری جێگیرین، پارێزراون.