کۆشکى سپی ئاژانسی ئەسۆشیەیتد پرێس سزا دەدات

ئاڤا نیوز

 

کۆشکى سپی  ئاژانسی ئەسۆشیەیتد پرێس سزا دەدات، بەوەی ڕێگە نادات پەیامنێرەکانی بچنە ناو  'ئۆڤڵ ئۆفیس' لە  کۆشکی سپی.

 

وێنەگەورەکە: ڕۆژی 15-2-2025، کۆشکی سپی سەرجەم کارەکانی ئاژانسی هەواڵی ئەسۆشیەیتد پرێس لە کۆشکی سپی ڕاگرت ناتوانن چیتر ڕووماڵی هەواڵەکانی سەرۆکی ئەمریکا بکەن و ڕۆشتنیان بۆ ناو 'ئۆڤڵ ئۆفیس' لە کۆشکی سپی و فڕۆکەی دۆناڵد ترەمپ  بۆ کاتێکی نادیار قەدەغە کرد .

 

ڕاگەیێنراوی فەرمی: کۆشکی سپی ڕایگەیاند: ئاژانسەکە، کەنداوی مەکسیک، بە کەنداوی ئەمریکی ناو نابات ئەمەش  دژی یاسایەکانى ئەمریکایە و بڵاوکردنەوەی هەواڵی ناڕاستە.
  
 
بۆچوونی لایەنی بەرامبەر: لۆرن ئیستۆن، وتەبێژی ئاژانسی ئەسۆشیەیتد پرێس ئاماژەی بەوە کردوە، ئەو ڕێکارەی کۆشکی سپی، پێشێلکردنی ئازادیی ڕادەڕبڕینە، ئەمەش  لە کاتێکدایە لە هەفتەی ڕابردوو ڕێگری لە پەیامنێرەکانیان کراوە کە بڕۆنە ناو ناو 'ئۆڤڵ ئۆفیس'  لە کۆشکی سپی.

 

بە تەنیشت ئەم بابەتەوە: وتەبێژی ڕۆژنامەی واشنتۆن پۆست، بە توندی ڕەخنەی لەو بڕیارەی کۆشکی سپی گرت و  گوتی: ئەسۆشیەیتد پرێس سەرچاوەی سەرەکیی هەواڵی ڕاستە و ئەوەی ڕودەدات پێشێلکارییە.

 

باکگراوند: ئاژانسی ئەسۆشیەیتد پرێس لە ساڵی 1846 لەلایەن پێنج ڕۆژنامەنووس دامەزرا، لە 100 وڵات ئۆفیسی هەیە و بە هەزاران کارمەندی لە سەرانەسەری جیهاندا هەیە.