سیناتۆرێكی ئەمریكی: لە پشتگیریكردنی هەرێمی كوردستان بەردەوام دەبین

ئاڤا نیوز

سەرۆكی هەرێمی كوردستان و سیناتۆرێكی ئەمریكی، لە میونشنی ئەڵمانیا كۆبوونەوە و سیناتۆرەكە بۆ سەرۆكی هەرێمی كوردستان، دووپاتی دەكاتەوە كە ئەمریكا لە پشتگیریكردنی هەرێمی كوردستان بەردەوام دەبێت.

وێنە گەورەكە: لە پەراوێزی بەشداریكردنی لە كۆنفڕانسی ئاسایشی میونشن، ئەمڕۆ شەممە 2025-02-15 نێچیرڤان بارزانی، سەرۆکی هەرێمی کوردستان، لەگەڵ سیناتۆر ئیلیسا سلۆتکین، ئەندامی لیژنەی هێزە چەکدارەکان لە ئەنجوومەنی پیرانی ئەمریکا کۆبووەوە.

ڕاگەیێنراوی فەرمی: سەرۆكایەتیی هەرێمی كوردستان ڕایگەیاند:

٠ لە کۆبوونەوەکەدا پەیوەندییەکانی عێراق و هەرێمی کوردستان له‌گه‌ڵ ئه‌مريكا، چۆنيه‌تيى بەهێزکردنی هاوکاری لە بواری ئاسایش و بەرگریدا، پێشهاتەکانی شەڕی دژى تیرۆر و هەوڵەکانی هاوپەیمانيه‌تیی نێودەوڵەتی بۆ بەرەنگاربوونەوەی هەڕەشەکانی داعش، باس كران.

٠ نێچیرڤان بارزانی پێزانینی خۆی بۆ پشتگیریی ئه‌مه‌ريكا له‌ عێراق و هەرێمی کوردستان دەربڕی، بەتایبەتی لە بواری ڕاهێنانی هێزەکانی پێشمەرگە و بەهێزکردنی تواناکانیان لە چوارچێوەی هاوپەیمانيه‌تیی نێودەوڵەتیدا، هه‌روه‌ها جەختی لەسەر پێویستیی بەردەوامیی ئەم پشتگیرییە کردەوە بۆ بەدیهێنانی سەقامگیری لە ناوچەکەدا.

٠ سیناتۆر ئیلیسا سلۆتکین به‌رده‌واميى پشتگيريى ئه‌مه‌ريكاى بۆ هەرێمی کوردستان دووپات کردەوە، هەروەها ئاماژەی بە گرنگیی هەماهەنگیی ئەمنیی هاوبەش کرد بۆ دەستەبەرکردنی سەقامگیریی عێراق و ناوچەکە.