شڤان پەروەر نوێترین بەرهەمی بڵاودەکاتەوە

 

ئاڤا نیوز

هونەرمەندی دیاری کورد، (شڤان پەروەر) نوێترین گۆرانیی خۆی بە ناوی 'نەمرە لاوک' کە بە مانای 'لاوکێکی نەمر' دێت، لە شێوەی ڤیدیۆکلیپدا بڵاوکردەوە.

چیرۆکی سەرەکی: نەمرە لاوک. نوێترین بەرهەمی شڤان پەروەرە و ئاوازی گۆرانییەکە ئەحمەد دۆنات دایناوە و دەلیل ئەشاد کاری دەرهێنانی بۆ ڤیدیۆ کلیپەکە کردووە. وەک خۆشی لە چەناڵی تایبەتی یوتیووبەکەی نووسیویەتی، "ڤیدیۆ کلیپەکە چیرۆکی خۆشەویستی، خەم و هیوای دوو گەنجە کە ئاڵەنگاریی دەکەن و بەسەر بەربەستە نەریتییەکاندا سەردەکەون تا بەیەک دەگەن".

زانیاریی زیاتر: ئیسماعیل ئایگۆن ناسراو بە شڤان پەروەر، شاعیر و مامۆستای موزیک و یەکێک لە گۆرانیبێژە دیارەکان کە کاریگەری لەسەر بزووتنەوەی ڕزگاریخوازی کورد هەبووە، لە 23ـی ئەیلوولى 1955 لە گوندى سورى سەر بە پارێزگاى ئۆرفای باکوورى کوردستان لەدایک بووە.

لە 3ـی حوزەیرانى 2001 لەلایەن سەرۆک مەسعود بارزانى مەدالیاى بارزانى پێ بەخشراوە.