سبەی شاندی ئیمرالی لە هەولێر لەگەڵ سەرۆک بارزانی کۆدەبێتەوە

ئاڤا نیوز

ئەمڕۆ شەممە شاندی ئیمرالی گەیشتە هەولێر و بڕیارە سبەی یەکشەممە لەگەڵ سەرۆک بارزانی کۆببێتەوە.

چیرۆکی سەرەکی: شاندی ئیمرالی بە سەرۆکایەتی پەروین بوڵدان پەرلەمانتاری دەم پارتی گەیشتە هەولێر و سبەی لەگەڵ سەرۆک بارزانی کۆدەبێتەوە، پەیامی ئۆجەلانیان هێناوە و ڕای سەرۆک بارزانیش لەسەر پڕۆسەی ئاشتی وەردەگرن و بۆ ئیمرالی دەبەنەوە. 

لێدوانی فەرمی: پەروین بوڵدان، پەرلەمانتاری دەم پارتی و ئەندامی شاندی ئیمرالی بە ئاڤا میدیای ڕاگەیاند، ئەمشەو هیچ کۆبوونەوە و چاوپێکەوتنێکمان نابێت، کار لەسەر پڕۆگرامی کۆبوونەوەکانی سبەی دەکەین.

سبەینێ سەرەتا لەگەڵ سەرۆک بارزانی کۆدەبنەوە و دواتر لەگەل نێچیرڤان بارزانی، سەرۆکی هەرێمی کوردستان کۆدەبنەوە و دوای ئەوەش لەگەڵ سەرۆکوەزیران مەسرور بارزانی بە جیا کۆدەبنەوە. بە پێی گوتەکانی بوڵدان تاوەکو ئێستا دیار نییە سبەینێ کاتژمێر چەند کۆبوونەوەکان دەستپێدەکەن، ئەمشەو بریاری لەسەر دەدەن.