پۆلیسی هەولێر گرووپی ڕاوچی کۆیلەکان دەستگیر دەکات

 

ئاڤا نیوز

بەڕێوەبەرایەتی پۆلیسی پارێزگای هەولێر، گرووپی "ڕاوچیی کۆیلەکان"ـی دەستگیر کرد، کە تۆمەتی تاوانی ئەلیکترۆنییان لەسەرە و  هەڕەشەی بڵاوکردنەوەی وێنە و ڤیدیۆی نەشیاویان لە ئافرەتان کردووە.

وێنە گەورەکە: هێزەکانی پۆلیس و ئاسایش بەشێوەیەکی بەرفراوان لەڕێگەی سکاڵای هاووڵاتیان ئەو گرووپ و باندانە دەستگیر دەکەن، کە لە ڕێگەی ئەلیکترۆنییەوە هەڕەشەی بڵاوکردنەوەی وێنە و ڤیدیۆی نەشیاو لە ئافرەتان دەکەن.

ڕاگەیێنراوی فەرمی: بەگوێرەی ڕاگەیێنراوی فەرمی پۆلیسی هەولێر دوو تۆمەتبار دەستگیرکراون کە لە پلاتفۆڕمەکان پەیجی ڕاوچی کۆیلەکانیان بەڕێوەبردووە، کە یەکێکیان خەڵکی سنووری قەزای سۆرانە و بە هاوکاریی بەڕێوەبەرایەتی پۆلیسی سۆران دەستگیر کران، دانیان نا بە تاوانەکەیاندا و دۆسیەی لێکۆڵینەوەیان بۆ کراوەتەوە.