وڵاتانی زلهێز پشتیوانی خۆیان بۆ هەرێمی کوردستان و پێشمەرگە دووپات دەکەنەوە

ئاڤا نیوز

هەرێمی کوردستان وەک ژمارەیەکی قورس لە ناوچەکەدا سەیردەکرێت، وڵاتانی جیهانیش لەزاری بەرپرسانی باڵاوە پەیامی پشتیوانی و پشتگیری بۆ دووپات دەکەنەوە.

چیرۆکی سەرەکی: لە یەکەم ڕۆژی کۆنفرانسی ئاسایشی میونشن لە ئەڵمانیا، نێچیرڤان بارزانی سەرۆکی هەرێمی کوردستانیش لەپاڵ سەرکردەی وڵاتانی زلهێزی جیهان بەشدار بوو، لە پەراوێزی کارەکانی کۆنفرانسەکەشدا چەندین دیدار و کۆبوونەوەی گرنگی هەبوو، هەموویان پەیامی پاڵپشتی و پشتیوانییان بۆ هەرێمی کوردستان و پێشمەرگە دووپاتکردەوە.

زانیاریی زیاتر: نێچیرڤان بارزانی، سەرۆکی هەرێمی کوردستان لە یەکەم رۆژی کۆنفرانسەکەدا 12 کۆبوونەوەی لەگەڵ سەرۆک و سەرکردە دیارەکانی جیهان و ناوچەکەدا کرد، دوایین پێشهاتەکانی گفتوگۆی نێوان هەولێر و بەغدا و دۆخى سووريا و ناوچه‌كه‌، تەوەری سەرەکی کۆبوونەوەکانیان بوو.

بەشێک لە کۆبوونەوەکانی سەرۆکی هەرێمی کوردستان لە کۆنفڕانسی میونشن:

٠ لە کۆبوونەوەیەی لەگەڵ گويدۆ كرۆسێتۆ وه‌زيرى به‌رگريى ئيتاڵيا، تیشک خرایە سەر بەردەواميی پشتگیريی پێشمەرگە و بەهێزکردنی هاوکاريی سەربازی و ئەمنی له‌گه‌ڵ عێراق و هه‌رێمى كوردستاندا، هاوکات ستايشى ڕۆڵى هه‌رێمى كوردستانى كرد له‌ پاراستنى سه‌قامگيرى له‌ ناوچه‌كه‌دا‌.

٠ لە کۆبوونەوەی لەگەڵ بۆریس پیستۆریوس، وەزیری بەرگريی ئەڵمانیا کۆبوویەوە، بۆریس پیستۆریوس پابەنديى ئەڵمانیای بۆ پشتگیريی هەرێمی کوردستان دووپات کردەوە و ڕایانگەیاند: "ئەڵمانیا بۆ به‌ره‌نگاربوونه‌وه‌ى تيرۆر لەگەڵ عێراق و هەرێمی کوردستان دەمێنێتەوە".

٠ لە کۆبوونەوەی لەگەڵ ئورسولا ڤۆن دێر لاين، سه‌رۆكى كۆمیسيۆنى يه‌كێتيى ئه‌ورووپا كۆبووه‌وە، لە دیدارەکەدا ئاماژە بە قارەمانێتی هێزی پیشمەرگە لە بەرەنگاربوونەوەی تیرۆر لە ناوچەکە درا و باسی ڕۆڵی ئافرەتانیش لە پێگە جیاوازەکانی هەرێمی کوردستان گفتوگۆی لەسەرکرا.

٠ لە کۆبوونەوەی لەگەڵ شێخ ئه‌حمه‌د عه‌بدوڵڵا ئەلئه‌حمه‌د ئەلسه‌باح، سه‌رۆكوه‌زيرانى كوێت، په‌يوه‌ندييه‌كانى وڵاتەکە له‌گه‌ڵ عێراق و هه‌رێمى كوردستان، په‌يوه‌ندييه‌كانى هه‌ولێر و به‌غدا، دۆخى سووريا و دوايين پێشهاته‌كانى ناوچه‌كه‌تاوتوێ كران.

باکگراوند: كۆنفڕانسی ئاسایشی میونشن گەورەترین كۆنفڕانسی جیهانە لە جۆری خۆیدا، یەكەمجار لە ساڵی 1963 بەڕێوەچوو، ئەمساڵ 61ـەمین كۆنفڕانسی بەڕێوەدەچێت و تاوەکو 16ـی شووبات بەردەوام دەبێت.