هاکان فیدان بۆ نێچیرڤان بارزانی: لە سێ بواردا پێویستمان بە هەماهەنگییە

ئاڤا نیوز

نێچیرڤان بارزانی، سەرۆکی هەرێمی کوردستان له‌ چوارچێوەی کۆنفرانسی ئاسایشی میونشن لەگەڵ  هاکان فیدان، وەزیری دەرەوەى تورکیا کۆبووەوە.

چیرۆکی سەرەکی: ڕۆژی پێنجشەممە، نێچیرڤان بارزانی، سەرۆکی هەرێمی کوردستان گەیشتە وڵاتی ئەڵمانیا بەمەبەستی بەشداریکردن لە کۆنفرانسی ئاسایشی میونشن لەو وڵاتە، لەو چوارچێوەیەشدا چەند دیدار و کۆبوونەوەیەکی گرنگی ئەنجامداوە.

ڕاگەیێنراوی فەرمی: لە کۆبوونەوەکەدا پەیوەندییه‌كانى عێراق و هەرێمی کوردستان له‌گه‌ڵ تورکیا تاوتوێ کران، هەروەها باسيان له‌ چۆنيه‌تيى بەهێزکردنی هاوکاری لە بوارى سیاسی، ئابووری و ئەمنيدا كرد و تيشكيان خسته‌ سەر پێشهاتە ئەمنی و سیاسییەکانی عێراق و سووریا و ناوچەکە.

نێچیرڤان بارزانی جەختی لەسەر بره‌ودان به‌ پەیوەندیی دۆستانه‌ى هه‌رێمى كوردستان لەگەڵ تورکیا له‌سه‌ر بنه‌ماى به‌رژه‌وه‌نديى هاوبه‌ش کردەوە، هه‌روه‌ها ئاماژەی به‌ گرنگيى هاريكاريى هاوبەش لەگەڵ تورکیا لە هەموو بوارەکان، بەتایبەتی له‌ بوارى ئاسایش و سەقامگیریى ناوچه‌كه‌دا، كرد‌.

بۆچوونی لایەنی بەرامبەر: هاکان فیدان خواستى تورکیای بۆ بەهێزکردنی زياترى پەیوەندییەکانى لەگەڵ عێراق و هەرێمی کوردستاندا نيشان دا، هەروەها جەختی لەسەر گرنگیی هەماهەنگیی هاوبەش بۆ ڕووبەڕووبوونەوەی ئاڵنگارييه‌ ئەمنییەکان و کارکردن بۆ بەدیهێنانی سەقامگیری و گەشانەوە لە ناوچەکەدا کردەوە.

زانیاریی زیاتر: پێشهاته‌كانى ناوچه‌كه‌ و دۆخی سووریا، لەگەڵ چەند پرسێکی دیکەی جێی بایەخی هاوبه‌ش، تەوەرێکی دیکەی کۆبوونەوەکە بوو.