وەزیرانی دەرەوەی ئەمریکا و ڕووسیا جەخت لە پاراستنی پەیوەندییەکانیان دەکەنەوە

ئاڤا نیوز

وەزارەتی دەرەوەی ڕووسیا ڕایگەیاند، سێرگی لاڤرۆڤ و هاوتا ئەمریکییەکەی مارکۆ ڕوبیۆ پەیوەندییەکی تەلەفۆنییان ئەنجامداوە و جەختیان لەسەر بەهێزکردنی پەیوەندییەکان کردووە.

وێنە گەورەکە: لەدوای دەستبەکاربوونەوەی دۆناڵد ترەمپ، سەرۆکی ئەمریکا ئەو وڵاتە دەیەوێت پەیوەندییەکانی لەگەڵ ڕووسیا ئاسایی بکاتەوە و ڕووسیاش ئامادەیی خۆی نیشان داوە.

ڕاگەیێنراوی فەرمی: وەزارەتی دەرەوەی ڕووسیا ڕایگەیاند: سێرگی لاڤرۆڤ، وەزیری دەرەوەی ڕووسیا و هاوتا ئەمریکییەکەی مارکۆ ڕوبیۆ  پەیوەندییەکی تەلەفۆنیان ئەنجامداوە و باسیان لەم خاڵانە کردووە:

- گەڕاندنەوەی گفتوگۆی نێوان ڕووسیا و ئەمریکا و پاراستنی پەیوەندییەکانی نێوان ئەو دوو وڵاتە.

- چارەسەرکردنی کێشە کەڵەکەبووەکان لە پەیوەندییە دوولایەنەکاندا.

- هاوکاریکردنی دوولایەنە لەسەر پرسەکانی دۆخی ئۆکراینا و فەڵەستین و ڕۆژهەڵاتی ناوەڕاست.

ئەوەی پێویستە بیزانیت: بڕیار وایە لەم هەفتەیەدا لایەنی ئەمریکا و ڕووسیا و ئۆکراینا لە وڵاتی سعوودیە سەبارەت بە پرسی ڕاگرتنی جەنگی ڕووسیا و ئۆکراینا کۆببنەوە.