ئاسایشی نیشتمانی عێراق گەنجێک دەستگیر دەکات کە هەڕەشەی لە کچێکی ئەوروپی کرد بوو

ئاڤا نیوز

ئاسایشی نیشتمانی عێراق لەکەرکووک گەنجێکی دەستگیرکردووە کەهەڕەشەی لەکچێکی ئەوروپی کردبوو.

ڕاگەیێنراوی فەرمی: ئاسایشی نیشتمانی عێراق، ڕایگەیاند،  لەسەر سکاڵای کچێکی ئەورووپی گەنجێک لەشاری کەرکووک دەستگیرکراوە، ئەوەش لەدوای ئەوەی کچەکە لەیەکێک لە باڵیۆزەخانەکانی عێراق سکاڵای لەسەر ئەو گەنجە تۆمارکردووە و لەسکاڵاکەدا کچەکە داوای بەهاناوەچوون دەکات و دەڵێت گەنجێکی عێراقی هەڕەشەم لێدەکات.

زانیاریی زیاتر: دوای لێکۆڵیینەوە و گواستنەوەی سکاڵاکە بۆ بەڕێوبەرایەتیی ئاسایشی نیشتمانی لەکەرکووک و وەرگرتنی ڕەزامەندی دادوەر لەلایەن هێزەکانی ئاسایشی نیشتمانی گەنجەکە دەستگیرکرا و ڕادەستی دادگا کرا.